Salai Dokhar Nih Tutan A Khual Tlawnnak Kongah Mah Ti Hin A Lang Ter

By- Salai Dokhar: Lunglawmhnak Bia, September 26. 2020 in September 28, 2020 tiang Mee Kuanghmun No.1 ah aa telmi Vailam Tlang khua hna ah Team Salai Dokhar nih tlawnnak kan ngei. Mee kuanghmun No.1 Vailam Tlang ah kan tuah mi thimnak campaign cu Pathian lamhruainak le Vailam Tlang Hrinsor nu le pa, u le nau hna bawmhnak thawngin tlamtling tein kan dih.

Khuakip ah kan tuahmi campaign a tlamtling dingin tlun inn a kan onhtu Innchungkhar dihlak cung ah lunglawmhnak tampi kan ngei. Cun khuakip ah kan tuah mi mipi tonbiaruahnak ah a kan telpi khotu Vailam tlang hrinsor nu le pa, u le nau hna nan dihlak cung ah siseh.

2020 thimnak ah Team Salai Dokhar nih teinak kan hmuh khawhnak ding ah thazaang chuah le dirpi dingin khuahkip in tuanvo a kan lak piaktu chungtel nan dihlak cung ah lunglawmhnak tampi kan ngei. 2020 ram pumpi thimnak tlamtling tein a dih khawhnak ding caah thlacam nak in,

A kan bawmtu nan dihlak cung ah le Vailam Tlang hrinsor nan dihlak cung ah Team Salai Dokhar nih kan lunglawmhnak kan rak langhter. Upatnak he, Team Salai Dokhar.

Leave a Comment

Leave a Reply

Your email address will not be published. Required fields are marked *