Tu tan cu thimnak a naih cang bantukin facebook profile hmanthlak cio ah mah le ttanhmi party logo tete tar chih cio a si. CNLD a ttanhtu hna nih CNLD logo bantukin an profile hmanthlak ah an tar chih i, NLD a ttanhtu hna nih NLD logo cu an profile hmanthlak ah an tar chih cio ve.
Cu tikah an profile hmanthlak zohnak in anmah le an ttanhmi party cio theih khawh an si hna. Cu ti cun upa he ngakchia he, nungak he tlangval he, a fimmi he a fim lomi he an profile hmanthlak cio ah an ttanhmi party cio an langhter. Party logo a tar chih lomi an tam tuk ve.
Cu bantuk profile hmanthlak kong he pehtlaih in Thantlang peng, Pine No. 2 in Independent in aa cuh dingmi Salai Lungthli Tum nih a lung um bia a van langhter cang. Salai LTT nih a tial ning cun zeitluk in nungak muidawh nungak fim tiah ruahmi an si zong ah CNLD a ttanh i profile hmanthlak ah CNLD logo a tar chihmi hna cu fawite in hleng khawhmi bantukin a tial hi asi.
Salai LTT nih a tialmi cu; “Nungak ai dawhmi ka hmuh hna i an profile ah CNLD logo a um ahcun ka lungthin ah ‘aw, fawi tein hlen khawhmi pei si ve ko hi, chawnh awk a si lo’ timi ruahnak a chuak tawn” tiah a facebook timeline ah a tial hi a si.
Salai LTT nih hitin a tial ning cun facebook cakuang ah kan hmuhmi nungak muidawh he dawhlo he tampi an i tel. Model Sarah telh in CNLD logo an profile ah aa tarmi nungak paohpaoh cu hlenkhawhmi nungak ah a ruah dih hna tinak a si.
Source: Salai Lungthli Tum
Leave a Reply