Salai Lungthil Tum nih tu lio a chimhmi bia hi vun ruah ahcun ruah phun bak asi ve. Mi cheukhat nih Salai Lunthil Tum an soisel ngai ve caah ruah ding atam chin ko. Salai Lungthil Tum nih a chim peng mi cu No Than Kap do hi Falam do asi lo. Miphun do zong asi lo Pu Lian Luan kha a tha tuk ko ka ti ve. Ka do bal ve lo a ruangcu a tuabia kan zoh ve tikah atuahmi thil hna hi thil tha asi do ding pakhat hman a um lo ati.
Pu No Than Kap cu a thil tuahmi chin mipi nih kan theih cia mi asi ko. Chim lengmang zong hi a tha ti lo kawl phunthluk ah umhlo nain theih lo a fak deuh ti asi bantuk kha an loh ve cang ko. Tu chan cu mi nih a fim rak ka ti seh ti phun aduhmi kan tam ngai cang caah aa fim terhmi kan tam ngai ve cang. Salai Lungthil Tum a soisel mi pawl hi a tam deuh cu ka theih mi hna an si ati. Ka zoh lengmang ve tikah mifim mirum ca tangsang an um lem lo. Salai Lungthil Tum a phan mi an um lem lo ati. Keimah he kan i theih lo ka kawi zong asi ve lo I ka dirhpi mi zong a si lem lo. Thil sining ka tuahthan tikah thil dih le thil hman a chimh mi asi ka ti caah Salai Lungthil Tum hi a palh lo ka ti ve. Salai Lungthil Tum a do mi hna khi Salai Lungthil Tum a phan loh mi lawngte an si lai. An phan lohnak cu Politics lei in a ruahnak a phan lo. Fimcawnnak lei in an phan ve loh cun Rumnak lei zongin an phan ve lo cucaah hnachuah phun i Salai Lungthil Tum khi an soisel rua tiah ka hmuh. Salai Lungthil Tum nih atial mi hi a hman tuk mi asi.
CNLD nih Chin miphun kan aiawh nan ti tung ahcun miphun nih thimmi chairman a herh. Chinram peng 9 kan um i peng tam deuh nih uarmi asi a herh. Falam peng lawng nih an uar i Hakha le Thantlang peng nih Hitler tluk in kan tih i kan huatmi, tuanbia chiahru a ngeimi Pu Nothankap bantuk hi Chin a huapmi party hruaitu a si awk si lo. Hruaitu thimnak ah a tlin ahcun phundang. Ramdang bantuk in party member nih chairman thim ding cu a har deuh lai. Nain, pengkip aiawhtu EC an um ko.
EC nih hruaitu thim khawh a si. Peng myone kip EC nih Chin miphun dihlak caah a tha bik tiah an ruahmi vote pe hna sehlaw vote tam bik a hmumi hruaitu nih kum 5 chung CNLD chairman tuan seh. Cu chairman nih election ah CNLD teinak ngah khawh ding ah i zuam sehlaw teinak ngah ahcun Chief Minister zong tuan chih seh. Chin a simi poahpoah kha hruaitu chairman thimnak ah luh khawh siseh. Nothankap, Zozam le Ngaisak lawng an lut kho lai tibantuk si hlah seh. Kum 5 dan ah chairman thimnak voikhat lengmang tuah siseh. CNLD cu Chin miphun party a si nan ti tung ahcun a cunglei ka tialmi hna hi nan ruah awk ngai a si. Cuti nan tuah duh lo ahcun tulio nan personal party CNLD cu Chin miphun party tiah auh hram hlah u.
Leave a Reply