Salai Lungthli Tum: CNLD Thuat Le Sunghter Hi Ka Rian Ngan Bik Ah Ka Chiah Zungzal

(Keimah mee ngahnak ding caah ca ka tialmi nakin CNLD mee sunghnak ding caah ca ka tialmi tam deuh. CNLD caah an coronavirus ka hun cang.)

CNLD an lor tuk cang caah an sungh dih nak ding caah ka sining dihlak i pek in cawlcangh ding ah kan hnu June thla ah biachahnak ka tuah. July ah keimah pumpak thimnak ka lut chap fawn.

Thimnak ka luh hnu zong ah CNLD thuat le sunghter hi ka rian ngan bik ah ka chiah zungzal. Keimah mee ngahnak ding caah ca ka tialmi nakin CNLD mee sunghnak ding caah ca ka tialmi tam deuh. CNLD caah an coronavirus ka hun cang.

NLD nih 92% bak Chinram ah teinak an hmuh khawh. CNLD cu an lor tuk ko nain sungh cikcek in an sung. I cei ko hna seh, an lungfim deuh cang lai. NLD lila nih an duh theng lomi Pu Suithio zong a sung fawn. Tutan cu kei ka saduhthah a tling ngai ko, keimah zong ka sung ve ko nain.

Pi Ni Sui Lian Kong A Tialmi Rel Chih: Tutan thimnak ah khan kan tei lai 100% ka rak zumhmi a si. Nain Sayama Nisuilian khi tender bawhtu company hna nih phaisa thazaang in an bawmh kho tuk, a sung cang tiah kan rak ruah ko nain mee thlak lai ni 2 ah Mara tlang khua kip ting 50 cio in a cheh hna, khua dang zong ah phaisa a cheh len lai.

Pumpak in phaisa an pek hna i mee an cawk timi zong ka theih, phaisa an pek lio belte cu hmuh khawh si ve lo. Nain phaisa in cawkmi teinak timi cu fiang tein chim khawh a si, phaisa in cawk khawhmi dirhmun ah Chinmi kan um rihmi cung ah ka lungtha lo. Tazacuai ka timh tinak cu a si lo mu, kei cu Yangon ka inn ah lung dai tein ka va um rih lai hih.

Credit: Salai Lungthli Tum