Nihin ah CNLD party chairman a si ve mi Pu No Than Kap cu CBN nih online interview a tuah. Biahalnak tampi a tuahmi lakah Salai Lungthli Tum nih a soiselnak kong ah zeitindah na ruah timi zong interview tuahtu Salai Robert Ngun Sang nih a hal chih i Pu No Than Kap ni a tanglei bantukin lehnak a tuah hi a si.
Pakhatnak ah Miphun caah rian kan tuan lai kan ti ahcun soiselnak cu um phung a si tiah ka ruah sawhsawh. Mah bantuk kan tuar khawh lo ahcun ambision zong ngeih ding kan si lo. Pahnihnak Cun Lunthli Tum kong ah cun Lungthli Tum ka si lo. A bia leh zong a hau lo. Lungthli Tum cu Lungthli Tum a si i No Than Kap cu No Than Kap ka si.
Cun a pathumnak ah cun a caancaan ah kan dihlak in kan si rua. Aho aho ka tinak a si lo. Pengtlang ka tinak zong si lo. Lih le lih khi an chim le anmah lila nih an zumh than ko rua ka ti.
Mah kha a fawite a si ko. Falam ah tuanbia pakhat a um. Tlanglo lei kan ti lai maw, Matu buk lei in zupuh an thawhmi cu khi ka lei ah ek a cang tibantuk. Kha bantuk khi cu bia a lenmi a si i keimah lei in cun zeihmanh poi ah ka ruah lo.
Volhpamhnak, personal charector accessinatiion hi keimah pumpak caah a poi lo nain chungle khat kan ngei ve, a kan dawtu an um ve. Anmah kha an lung a fak, mah cucu a tha lo. Mah ruangah an ambision an timhtuahnak a hlawh tling fawn lai lo.
Political lei ah mah bantuk khaa cu a niam tuk ka ti. Sangpi in kan zuang ah a tha. Cu kong ah chim ka duhmi cu, Ka nu nih robia a kan cahmi cu, ka fale hna keimah cu farah te ka si. ro bia kan cah duhmi hna cu duhdawtnak dah ti lo a dang leiba ngei hla uh a kan ti. Cathiam zong a si lo. Duhdawtnak dang leiba kan ngei lo.
Cun a hnubik ah ram le miphun caah riantuan dingmi nih cun hi bantuk ahhin mah le mah thazaang i lak a hau. Cu bantuk cu maw ka ing khawh lai lo tiah thazaang i lak hi a tha cem ko lai tiah ka ruah. Cu bia ka chim tikah keimah le keimah kaa theih lomi cu ka hnar ka tongh pah ton.
Ka nupi nih mihmai ah bia na chim tikah na hnar tongh ti hla a ka ti. Ka chim duhmi cu kanmah le kanmah kan i theih lomi kan chambaunak kha mi nih an kan hmuh ton.
Cucaah volhpamh le personal charector accessintion a si zong ah a ruah zia le a tuar zia kan thiam ahcun a tha dih tiah ka ruah. Tling deuh in theih duhmi caah a tangah video tarchih a si.
https://www.facebook.com/LLianBChannel/videos/770835526793736/
Source: CBN; Video: LLB Channel
Leave a Reply