Salai Lungthli Tum Party Dang Nih An Kan Hrawhmi Kan Remh Khawh Tthan

USDP an thawn tawnnak Lungcawite ah khuami nih an kan tanpi ning cu a mak ko, JCB kan cawk tikah anmah khua in lam cawh hram kan thawk te lai.

Hriphi B le Khuabung B zong ah party dang nih an kan hrawhmi kan remh khawh than cang, biatak tein kan committee an cawlcang thluahmah. Lung a hmui tuk.

Tuzaan hi Van Bawi Lian a khua Aibur ah kan riak than lai. Rungkaw nih Lautu le Mara ah a thurhnawm tukmi miphun le pengtlang min zuar politics a khelmi an theih ve tikah Rungkaw cu ‘pengtlang kar thencheutu a si lai’ an ti i kaltak an tim cang. Tuzaan zong ‘pengtlang min zuar in politics kheltu cu tihnung bik an si’ tiin ka chim chih te lai.

Biadang ah ka upa Aungla a sungmi cu Hriphi ah ka zoh ve i ka lungrawk tuk, zahan zaan zong kai hngilh kho lo.

Lautu peng a tlawnnak kong a tialmi rel chih ding:

Tulio hi Lautu ah NLD phu le Saya Rungkaw tanpitu Lautu Kilvengbu kar an buai ngai, taza i cuai an timh cang. Aruang cu Lautu Kilvengbu nih ‘Saya Rungkaw cu Lautu miphun a si, Lautu dihlak nih kan tanpi hrimhrim a herh’ tiah Saya Rungkaw teinak a hmuhnak ding ah biatak tein an cawlcang, a cawlcangmi hna lakah cozah riantuantu zong an i tel ve.

Cutikah, NLD phu an thinhung tuk, ‘politics tuahnak ah pengtlang miphun min zuar awk si lo, zatlangbu nih pumpak caah cawlcangh awk a si lo, cozah riantuantu nih politics tuah awk a si lo’ an ti i taza cuai an timh hna hi a si.

Credit: Salai Lungthli Tum