To: Salai Lungthli tum sin cakuat;
2020 thimnak ah ram le miphun sersiamnak dingah indipendent in MP na cuh ve caah upatnak kan pek. Nang cu aluan cia ah miphun le ram caah siseh sifak santlai lo tampi na bawm hna caah upatnak kan pek chap. Nang hi NLD tanhtu narak si bal ca zong ah upatnak kan pek chap. Keimah upatnak pek cu na vai lawm theng lai lo nain kan peh chih.
2020 thimnak he pehtlai in mipi sin vote na kawlning zoh tik ah soiselnak tamdeuh chim in politic natuah tik ah politician na rak si lo ti afiang. Politic ah misoi le doh cu aa tel ko nain number one ah mi soisel le doh hi chia dingasi ve lo. Politic Bawmtu cu asi ve. Na cuhnak independent policies kha thangpi in au pi ko law atha lo maw?
Evangelist nih bu kong chim loin thawngtha aupi arian asi bantuk in na kal pimi thawgtha kha chim ziar ko law tha lo maw? Kan ram nih a herh mi cu cozah ser khawh hi asi. Cu cozah belte cu cozah chia le cozah tha ser tiin a um ve. Cozah chia asi ah cozah tha asi ah a herh mi cu cozah ser kha asi ko. Independent nih cozah aser kho fawn lo ticu na hngah tuk ko lai va si kaw ziah USDP, NLD, CNLD ti bantuk hna vaivuanh dingin politic na tuah.
Independent nih le cozah nan ser kho fawn lo,,, cozah loin maw mipi chiah na kan timh. Cozah tha ngeih mipi na kan duh piak ahcun tanh mi le dirhmun ngei mi party pakhat khat ah na um awk asi. Atuna dir hmun hi party kip vaivuanh i cozah ngeih lo dingphun in na cawl. Mipi zawn na ruat deuh rua lo. A luan cia mipi na bawmh mi kha social issue he aa pehtlai mi asi. Khakha na politics hriamnam ah na hman awk asi lo.
2008 phunghram tang ahcun party pi puam hmanh nih cozah an ser zong ah an cawl kho lo va si kaw independent nih phunghram tang ah zei na tuah khawh hnga? Na chim rel ve lai nain dirkamhtu na ngeih lo ahcun santaihnak um te lai maw? Na mipi laklawh in na chia te hna lai ka zumh. Hi hnu cu independent napeknak policies kha chim ziar ko, party doh in politic tuah hlah. Khikhi mipi vaivannak politic tu asi deuh, dawtnak he.
Credit: Ro Lian Thang
Leave a Reply