Catialtu Muvanlai Salai: Pu Van Thio Na Vote Ahcun Chin State Nih Kan Co Ding Cu A Mak Ko.
1.Pu Van Thio na vote ahcun Kawl le Lai thleidannak a um ti lai lo i Chinram ah Kawl zong an i nuamtuk ve cang lai. Mah cucu dawtnak kan timi a si.
2.Pu Van Thio na vote ahcun Kawlram budget cheuhnih cheukhat cu Chinram ah a kuat dih lai i kan hawi Tlangcungmi nih an kan ttihzah tuk cang lai.
3.Pu Van Thio na vote ahcun Chin State Lam vialte hi kau taktak in a cawh dih lai i lam kal pah in bawlung chuih a ngah cang lai.
4.Pu Van Thio na vote ahcun Laitlang ah phungki an inuam tuk ve cang lai i thluachuah tampi kan hmu ve cang lai. Hakha a cimh lio hmanh ah ralkap le phungki rasen in dahkaw tamtuk kan rak ichang khah.
5.Pu Van Thio na vote ahcun Tikir Dam khi kau taktak in a cawh chap lai i Vawleicung Tinbaw Liancem cu Laitlang ah a um kho ve cang lai.
6.Pu Van Thio na vote ahcun Bualpeng ah Vanlawng Bual pakhat a ser chap lai i Chin State cu motor lam hmanh kan hau ti lai lo.
7.Pu Van Thio na vote ahcun Buddish le Khrihfa thleidannak um loin zumhnak khat lungthin khat in kar kan hlang ti kho cang lai. Cu tikah Chin State cu vawlei vanram a lo ve cang lai.
8.Pu Van Thio na vote ahcun Chin State ah Sui tam taktak in a chuahter lai i kan inn lo vialte hi sui in kan tamh viar cang lai.
9.Pu Van Thio na vote ahcun Chin State ah UPC an karh deuh lai i Chinmi kan piangthar deuh cang lai. Nichiar te laam le holh thei lo kan hmang lai i riantuan hmanh kan thei ti lai lo. A nuam tuk lai.
10.Pu Van Thio na vote ahcun ramdang Arnu tam taktak in Chin State ah a luh ter hna lai i Chin State cu Thailand nakin Tourist an tam deuh cang lai. Cu tikah business lei in a thangcho bik kan si cang lai. Cu pin ah kan putar pawl zong an um a har ti lai lo.
11.Pu Van Thio na vote ahcun Chinca ee Kawlca ee ti a hau ti lai lo. Lungrual tein Kawlca le Kawl Holh kan hmang kho cang ko lai i Chin ee Chinlo ee ti zong a hau ti lai lo. Miphun kilvennak lei in kan rian a tlawm deuh cang lai.
12.Pu Van Thio na vote ahcun Kawl pawl nih an kan zaangfak tuk cang lai i CNF hmanh a hau ti lai lo. An nawl kan ngeih hna a biapi. Nawlngeih cu thluachuahnak a si.
13.Pu Van Thio na vote ahcun Chin State vialte hi Sky Way a tuah dih lai i atu i phaisa dih taktak in an cawh cuahmah mi motor lam hi hman hmanh a hau te lai lo.
14.Pu Van Thio na vote ahcun a nih hi zu chuan a thiam tukmi a si caah Chin State ah zu tampi a kan chuah piak lai i fawi tein kan paw kan icawm kho cang lai.
15.Pu Van Thio na vote ahcun Paletwa ralzam pawl Tikir ah a thial dih hna lai i Paletwa peng cu a dai taktak cang lai. Cu vial nuam ee, nuam ee. Vote for Pu Van Thio.
Credit: Muvanlai Salai
Leave a Reply