Salai Sun Ceu hi Chin ram ahcun the first celebrity tiah kan auh khawhmi a si i chin miphun a cawisang hmasatu asi. Salai Sun Ceu a hringtu nu le pa cu Falam peng Locom khua ah a chuanhmi an si i Salai Sun Ceu a pa cu Pu Sang Rul asi i a nu cu Pi Cia Hniang asi. Salai Sun Ceu hi Mandalay University ah Zoology B.sc in sianginn a rak dih mi asi.
Salai Sun Ceu hi Falam sianginn ah sianginn a ra kai mi asi i tang kua (9) a kai lio ahhin Radio chungah mirang hla a vun chuah mi kha a duh tuk caah sianginn tiang kai lo in hla a ngai nak ah Singer dirhmun tiang aa chuah kho nak hi asi cucu VaHui Magazine in interview an tuah lio a chimh ti theih asi.
Chin hla in hla aa chuah hmasa mi hi “ a mawi sin sin ding lairawn” ti mi hi asi I na hna ka tuan ding fing le tlang lairawn hei cuan faizong par an bor tiin a hla cu asi. Nain min ngeih dirhmun a vun phan terhtu ahla cun kan theih lengmang mi “Dawt hniang kan hngak ko Zaan dai zilthil hnuai in “ tiin kan sak theu tawn mi hla te kha asi.
Salai Sun Ceu hi kawl hla zong biatak tein a ra sak ve mi asi caah kawl ram chung zongah min thang ngai asi ve. Sai Thi Sain he zong hla tampi an rak I chuah tii tawn ti kha a hla chungah kan hmuh cun kan ngai theu tawn mi kha asi. Salai Sun Ceu hi Pathin khua ah a kum 53 asi in hi vawlei harsak nak hmun in aa kan din tak tiin theih asi video zoh na duh ahcun link ahhin click kho asi.
Leave a Reply