Salai Tial Thang ti ahcun Laimi nih kan theih dih colh lai ka zumh. A ruang cu Salai Tial Thang cu Chin miphun chungin ahohmanh nih ngamh rih lomi ONE Championship MMA i phomhnak ah raltha tak in aa phomh ve mi a si i Chin miphun lawng siloin Kawl pawl tiang nih Tial “The Dragon Leg” Thang tiah theihmi milar pakhat a si.
ONE Championship ah amah he weight aa tlukmi minung 2 he aa phomh cang i an pahnih ning in a tei hna. Cucaah ONE Championship ah a sung bal rih lo tinak a si.
Tutan cu Salai Tial Thang nih US ram ah khuasami a si bantukin Laitlang a ngaihnak kong langhter buin Air KBZ le Wings For Everone airline fakthanh a tuah chihmi a fb cahmai ah hmuh a si. A fakthanh a tuahmi cu a tanglei bantukin a tial.
“Ka chuahkehnak Chin ramkulh, Hakha khualipi ka ngai tuk i kal in tlung ka duh. Fing le tlang ka hmuh balmi lakah aa dawh bik a si. Caan tha ka hmuh ahcun tlun ka duh.
Nangmah teh Covid chung vialte inn ah naa erh caah atu naa manh caan khual tlawn ding si sehlaw khoi ka dah kal na duh? AirKBZ hi ramchung khualtlawnnak caah promotion zong a um ko caah a tu ticket i cawk cia khawh in khualtlawn khawh a si” tiah a tial hi a si.
Mirang in a tial chihmi cu, “Air KBZ – Wings For Everyone, Missing my hometown of Hakha in Chin State, Myanmar. The landscape and mountains are some of the most beautiful I’ve seen.
What’s your favorite vacation spot? Fly there now with AIR KBZ, check out their latest promotion: “Tawat Pay, Atwar Apyan Khayee”. Be sure to book now. Seats are selling fast” ti zong in Kawl ca in a tial hnu ah mirang ca in a tial chih hi a si.
Source: Tial “The Dragon Leg” Thang fb page
Leave a Reply