Salai Cung Dawt tial mi hi pei Lai pasal ciammam asinak a langhnak a si. Laithuam, Laithil puitling he Ramkhel interview nak ah ka hmuh hmasabik mi a si. A biachim ka ngaih, dinfelnak a ttanh ning, ziknawh eirhmuar a huat ning, Pathian a tihzah ning le tangdor nun a ngeih ning, a dik lomi ah raltha tak in bia chim a ngam mi a sinak vialte a lang dih.
Chin State CM hna ah rak lut sehlaw zeitluk in dah a rak that hnga. Tutan aa cuhnak Meekuang ahcun teinak hmu hrim seh timi saduh ka thah piak. Chin pasaltha, Lai pasal puitling hrimhrim a si. For Saya Rung Kaw, CNLD MP Candidate, State Constituency No.2.
Salai Van Lian Thang tial mi cu a tam pi caah kan vun langter dih kho lo I asi. Salai Van Lian Thang tial mi chungah 2020 thimnak ah Laimi kan ral pakhat cu “Brown Envelope” rim a nammi phun an si hna lai. Catlap hmete hmangin cu bantuk rim a nammi hna hnawn awk le hlonh awk hna kan theih lo sual ahcun kan miphun “democratic institution” cu limhang le upat hmaizahnak a hun ngei te lai lo.
Lungfim puitling upa nih ṭhut ve awk a tlaklonak a thorhnommi hmunhma le mi nih capo saihnak le phaisa tangka chawlehnak phun men ah an hun ruah te ko lai. Cucaah kan miphun “political institution” muisam a chiat le aa dawh, limhang rumra le thlahu vangpa a hun ngeih le ngeih lo cu kum 5 ah voikhatte kan sanh dingmi catlap hmete cungah khan aa hngat te ko lai. Credit By Salai Van Lian Thang le Salai Cung Dawt.
Saya Rung Kaw hi lungsamatmedia nih Live Interview an tuah lio ah abia chimh le a lungput kha Chin miphun a dawtnak le a dirpi nak kha kan thei dih ko lai. Cucaah upat awktlak taktak asi hrim ko November thla ah tuah ding mi 2020 Election zong ah thazang pek hrim hrim ko hna usih. Kan miphun adawtu asi pinah felnak a dirhpitu zong asi kha a bia chim le a lungput nih aa fiang ngai ngai ko.
Leave a Reply