Selena Gomez Nih A Kal An Thlennak A Hmape A Langhter (+Photos)

American hlasak thiam Selena Gomez nih ti liohnak thuam swimsuit aa hruknak hmanthlak tampi a tarlangh i cu ahcun a kal an thlennak a hmepe zong a langhter chihmi hmuh khawh a si.

Selena Gomez cu a hawinu Grown-ish star Francia Raisa nih a kal a hlut i 2017 kum ah thlenpiak a si. Tutan Selena nih a hmape a langhtermi cu a kal a hluttu a hawinu Francia Raisa he an pahnih tein an langhter hi a si.

Tutan a kal an thlennak hmape a langhternak ah fahnak a rak tuar ning ca a tial chihmi cu “Ka kal thlen piak ka si tikah a voikhatnak ka hmape langhter ding hi a har tuk. Hi hi ka hmanthlak ah a langh peng ding ka duh lo. Cucaah ka hmape a khuh kho dingmi thil kaa hruk tawn. Nain a tu cu ahodah ka si timi kaa theih i keimah le keimah izumhnak ka ngei cang” tiah caption a tial chih hi a si.

Selena Gomez cu Justin Bieber he aa duhmi an rak si i an i um cang lai maw tiah vawlei cung mipi nih an cuanh cuahmah lio ah amah Selena Gomez zong a zaw i Justin Bieber zong nih nungak dang a ngeih tak ve i tlawmpal ah nupi a ngeih tak kha vawlei cung mipi nih theih ciomi a kha a si.

Kum 28 Selena Gomez cu a kal zong thleng a si hnu ah a tu a dam than cang i hlathar tete zong a chuak kho than cang. A hlathar chuahmi pawl hmanh an tha i Ice-Cream timi hla le bang cu tu lio a lar lingcing a si.

Ref: TOI

Leave a Comment

Leave a Reply

Your email address will not be published. Required fields are marked *