Singer Mee Mee Khel cu cancer zawtnak in a zaw mi a si i a inn chungkhar he an umnak Australian ram ah tu hi a thopbul cuahmah lio a si. Min thang hlasa thiam Mee Mee Khel cu Cele Cele All page ti mi min a bun mi fb page pakhat nih cancer zawtnak in a thih cang tiah mipi sin thawng dik lo cu nii zan ah khan a rak thanh. Mah kongah singer Mee Mee Khel zong nih a facebook in fiang ternak zong a rak tuah cang.
Singer Mee Mee Khel a thih cang ti thawngpang dih lo a thanh tu hna sinah gospel singer Sang pi nih a facebook in ralrinnak a pek hna. Gospel singer Sang pi nih a facebook ah a tial ning in kan van lang ter ve. Mee Mee Khel a ngandam nak le a sining cu kan hnu leinak in tlawmpal a ttha deuh ko ee.
Tunai online in thawngtha ka chim lio an nupa in an rak ngai ve nak an hmanthlak zong ka sinah a pasal Brice nih a rak ka kuat ko. Apasal le keimah kan chim mi caan zong a tel ve. Thawng fiang lo in a thanh tu hna zaangfah nak in rak kan ralrin piak uh.
Apasal siseh Mee Mee Khel zong siseh nii tin in kan i peitlei peng ko tiah a facebook in a van lang ter. Singer Sang pi nih ca a tial mi cu caan tlawmpal ah a delete than. Gospel singer Sang pi cu kawlram ah hlasa lei zong ah siseh thawngtha chim lei zong ah a min athang taktak mi minthang pakhat a si.
Leave a Reply