Singer Eint Chit Nih Mipi Soisel Nak Cu Leh Nak A Tuah Cang

Mipi nih an uar tak tak mi singer Eint Chit cu kawlram ah hla sa thiam lei in a min athang taktak ve mi hla thiam Chit Kaung fa nu a si I a mah hrim zong hla sa thiam lei in a min a thang taktak mi singer min thang pakhat a si ve. Singer Eint Chit cu biaknak lei zongah a zuam ngai ngai mi milung thiang te a si.

Mah long hlah Singer Eint Chit cu nan thei cang ban tuk in hring tu a pa cu nupi dang a ngei mi a si I a nupi dang he chungkhar a dirh cang mi a si. Cu caah Singer Eint Chit cu a innchung khar ah pa dir hmun in a tthut dir pi hna I cu ti cun a mah nih hringtu a nu le a nau cu a zoh khenh a cawm hna.

Mah tluk in hringtu a nu le a nau nih an I bochan mi le an I zoh thla taktak mi hlasa thiam minthang Eint Chit cu kan hnuthla ah khan a dawtmi a tlangval pa he chungkhar thar cu an dirh. Minthang Eint Chit cu a dawt a tlangval pa he chungkhar thar an dirh caan tlawm pal ah, mipi cheukhat nih Eint Chit cu a dawt a tlangval pa he an I tthitum can tlawm pal ah a paw a puar / Nau a pawi manh cang tiin an soi sel.

Nau a cuang cawlh cang timi mipi soisel nak cu minthang Eint Chit nih a tang lei ban tuk in leh nak a tuah.Minthang Eint Chit: A poi kho tuk tu ban tuk in kan thau mi zong hi hnangam te in kan thau ngam lo, tutan ka thau mi zong hi nau a pawi tiah an ka ruah, tiin mipi soisel nak cu leh nak a tuah.

Cu long si lo in minthang Eint Chit nih a dawt a tlangval pa he an I tthit um lio I nuam le lawm in lungtling nak minsen an thut nak le an prewedding hmanthlak dawhdawh pawl cu mipi hmuh khawh dingin a fb ah a tar lang chih.