Myanmar idol season 4 ah pakhatnak a co tu singer Esther Dawt Chin Sung cu tu lio kawlram ah a lar taktak mi hlasa thiam minthang pakhat a si. Hlasa thiam Esther Dawt Chin Sung cu uar tuk le thazaang pe tu tam in a ngai cang mi zong a si.
Kawlram pumpi ah hlasa thiam lei in mipi nih an uar taktak mi le thazaang an pe taktak mi singer Esther nih Australia ram a rak tlawn lio ah a sining kong tlawmpal le tete a rak khannak cu a zoh duh mi hna caah le a zoh rih lo mi hna caah a tang lei ah kan van in tar piak hna. Mah a link hi /Chinmusicianvideo/videos/ click law video na zoh khawh a si.
Ca dang rel duh mi hna caah; By- Salai Lung Thil Tum: Hmanthlak hi zoh hna hmanh, zeitluk in dah an harsa timi hmuh khawh a si. Tampi cu pum tlamtlinglo an si, cheukhat cu an tar cang i zohkhenhtu fale an ngei hna lo, cheukhat cu an dam lo ruang ah rian an tuan kho lo i vansang in an um.
Sii cawknak ding phaisa ka ngei lo i sii ka din lonak thlakhat a si cang, nan ka bawmh cu kaa lawm tuk ee’ tiah mitthli he a ttap chihmi a mithmai hmuh tikah lungthin nih a celh lo.
Ka pasal a um ti lo, ka fale zohkhenh an hau, kei hi rian ka tuan kho lo, ka fale sianginn kai ding an si i uniform zalhnak le ball pen cawknak phaisa zong ka ngei lo i ka lungpit ko ee’ tiah a chimtu nuhmei pakhat a intuar ning zoh ah zaangfak tuk khi a si.
Ka naule pathum hi khuate ah zarh thum leng an riak cang, atu hi Hakha peng khuate an pek dih cang hna, Lautu le Mara le Thantlang peng khua tam deuh an pek cang hna. Fur lio a si i lam a tha tuk lo caah ruah ning leng in a har deuh, a rau deuh fawn.
Khuate harsa deuh kan bawmh hna nak kong hi Facebook ah ka tial tawn, hiti ka tial ruang ah soiselnak zong um pah theu. Nain, a poi ka ti lem lo.
Aruang cu hiti ka tial ruang ah aho ca hmanh ah harnak le chiatnak a chuahpi hrim lo. Kei ka duhmi cu midang zong nih keimah bantuk in harsa bawmh duhnak lungthin ngei cio ve hna seh, pekchanhnak lei ah thazaang chuah cio ve hna seh timi khi a si ko.
Leave a Reply