Khah rak zoh ve a tha kho taktak singer Katy Perry cu kan thei dih cang ban tuk in vawlei cung ah aw ttha hlasa thiam lei in a min a thang taktak mi minthang pakhat a si. Cun hlasak thiam america singer Katy Perry cu a hlasak mi tete zong a tha caah mipi nih an tleih chan I an uar taktak mi singer minthang pakhat a si.
Mah tluk in vawlei cungah aw ttha hlasa thiam lei in a min a thang mi America singer Katy Perry cu US ram pi a voi 46 nak US president thar Joe Biden inauguration puai ah hlasa piak ding in an sawm caah sung lawi ngaingai in “Firework” timi hla a va sak piak ve hna.
America ram minthang singer Katy Perry nih US ram pi a voi 46 nak US president thar Joe Biden inauguration puai ah hla a va sak nak cu a zoh duh mi caah a tanglei ah a video in kan in tar chiah piak chin hna.
Cadang relchap: Tahan Khuapi Ah Solar Mei Short Ruang Ah Inn Pakhat A Kaang: Sagaing Ramthen, Tahan khuapi, G Group YCW Boarder pawng, 2021 January 21 suimilaam 12:00PM tluk ah Solar mei short nakin Pu Sang Hlei Khup inn a kaang i cheuhra cheukhat an chiah mi tangka sing thum le thil mansung dangdang zong a kaang chih tiah theih a si.
Inn kanghnak kong he pehtlai in inn ngeitu Pu Sang Hlei Khup nih, “Inn a kanghnak a ruang bik cu inn ah kan hman mi Solar Mei short nak ruang ah a si ko lai tiah mizapi nih kan zumh dih cio mi a si. Aruang cu Solar chiahnak hmun in mei hi aa thok mi a si. Inn hi a dihlak in cun a kaang manh lo. Inn hi dot hnih a si i a cunglei lawng a kaang i a tanglei tu hi cu a kaang manh lo,” tiah The Hakha Post ah a chim.
Hi inn kangh ruang ah pawngkam in a kangh chih mi a um lo. Cun, atu hi innpa chak thlang hna nih thianhhlimh an bawmh cuahmah hna a si. Cun, inn kangh ruang ah Cozah lei rian ngeitu hna nih tangka sing thum an liamter hna tiah kan theih.
Tuzing zong Thantlang khua luh lai Laipawng lung phak hlan i a ummi Pu Ram Ceu Thang te inn zong a kaang tiah theih a si, Crd- The Hakha Post.
Leave a Reply