Khah rak zoh ve a tha kho taktak Singer Luis Fonsi cu kan thei dih cang ban tuk in vawlei cung ah aw ttha hlasa thiam lei in a min a thang taktak mi minthang pakhat a si. Cun hlasak thiam Singer Luis Fonsi cu a hlasak mi tete zong a tha caah mipi nih an tleih chan I an uar taktak mi singer minthang pakhat a si. Mah tluk in vawlei cungah aw ttha hlasa thiam lei in a min a thang mi.
Singer Luis Fonsi cu US ram pi a voi 46 nak US president thar Joe Biden inauguration puai ah “Despacito” timi hla in a cawnglawmhpi ve hna. Singer Luis Fonsi nih US ram pi a voi 46 nak US president thar Joe Biden inauguration puai ah “Despacito” timi hla in a cawnglawmhpi ve hna nak cu a tanglei ah a video in kan in tar chiah piak chin hna.
Rel chap: President in aa din hnu ah sifah buin a thimi President hlun hna an um tikah US Cozah pi kan min a chia tiah US President in aa din cangmi paoh “Former Presidents Act” tiah President hlun zohkhenhnak cu 33rd Pres Harry S. Truman thawk in an rak pek hna. 18th president, Ulysses S. Grant zong hi sifak ngai in a nunnak a rak liam. Cun, 33rd Pres Harry S. Truman zong hi President in aa din hnu ah Bankruptcy a file i, umnak ngei lo in a vaivuan.
Cucaah, US Cozah nih Truman cu kum khat ah $25,000 hi a thih tiang an rak pek. Cucun, Former Presidents Act cu a nung i, tulio an hmuhmi cu, kum khat ah $219,200 a si i, an thih tiang an pek hna lai. Former President Salary tiah Office an chuah tak bak in kum khat ah $219,200 hi pek an si i, an nupi/pasal le zong hi kum khat ah $20,000 an pek hna. Office le a herhmi dang tete izarhnak ah a dihmi hi thla 7 chung an pek rih hna i, an office ah riantuantu pawl thla hlawh caah thla 30 chung hi kum khat ah $ 150,000 an pek hna i thla 30 a dih in $ 96,000 ah an thumh hna.
Medical Insurance tbk program le benefits dang dang zong a um rih. Secret Service nih an dam chung an zohkhenh rih hna lai. Former President Donal Trump hi ta, President hlun pawl nih an hmuhmi salary le bawmhnak vialte hi a hmu ve lai maw? “Former Presidents Act” ah an ttialmi cu bawmhnak a hmu dingmi hi a rian in dinter lomi/Impeached lomi Former President an si lai ti a si. Trump hi impeach an tuah cuahmah lio a si i, impeach an tuahmi a dih hlan ah a rian in a chuak cang fawn i,
Hi kong hi Congress nih zeitindah an tuah te hnga? Impeached timi status maw an pek te lai, asilo ah impeach lomi status dah? Aa fiang colh te lai. US nih an presidents hlun pawl, har tuk in an umnak hnga lo, an dignity thate in an ven khawhnak hnga, “Former Presidents Act” tbk hna an tuah hi a tha e, a ti. Crd- zasang cinzah
Leave a Reply