Kawlram pumpi ah hlasa thiam lei in a min a thang taktak mi singer Mee Mee Khel cu cancer zawtnak in a zaw mi a si i a inn chungkhar he an umnak Australian ram ah tu hi a thopbul cuahmah lio a si. Min thang hlasa thiam Mee Mee Khel cu facebook page pakhat nih cancel zawtnak in a thih cang tiah mipi sin thawng dik lo an thanhnak kong ah a hmanlio mi a fb in fian ter nak a tuah.
Hlasa thiam Mee Mee Khel a thih cang tiah thawng dik lo a thanh tu hi Cele Cele All tiah page tiin min a tuah mi a si. Cele Cele All ti mi page nih mah tihi hlasa thiam Mee Mee Khel kong cu a tial, NLD a ttanh tu singer Htoo Ei Lynn i a nupi thing ,Saw Bwe Mhu I a fa nu singer Mee Mee Khel cu kawlram suimilam 6:04 hrawng ah khan Australian ram ah cancer zawtnak in pathian sinah a din cang, tiin thawngpang dik lo a lang ter.
Singer Mee Mee Khel an thih ter nak thawngdik lo kong ah singer Mee Mee Khel nih a tang lei kan lang ter banin mipi sinah thei/ fian ter nak cu a tuah. Ka mipi hna keimah Mee Mee Khel hi tulio ka dam lonak kong ah siiaai in ka thlop bul lio a si ko. Mi tam nih phone an rak ka chawnh i ka thawngpang an rak ka hal hnu long ah facebook ah thawng dik lo an thanh ti mi cu ka thei ve.
Ka ngan damnak caah thlacam ka bawm peng than rih ko uh tiah a facebook ah thawng dik lo mi kong he peitlaih in fiang ternak cu a van tuah. Singer Mee Mee Khel cu kawlram mipi nih uar taktak mi le thazaang zong kan pek taktak mi kawlram hlasa thiam minthang pakhat a si.
Leave a Reply