Khrihfa tha le Kawlram minthang hlasakthiam Mee Mee Khel cu hnuk cancer dam lo nak in kan hnu October 16, 2020 ni, Australia caan zanlei suimilam 9.30 pm ah khan a nunnak a liam . Hlasakthiam Mee Mee Khel cu a chungkhar he Australia ram an um lio ah Cancer zawtnak aa thlawpbul.
A luancia thla tlawmpal chungah cancer zawtnak a hnubak level tiang a phan cang ti si i, a cavorhlei ke ruangah lam zong a rak kal kho ti lo. Mee Mee Khel thihnak kong cu a pasal thing Kawlram minthang hlasak thiam Htoo El Linn nih a facebook account ah a ngaihchiatpinak a tarlangh i, Kawl media ngan pakhat a si ve mi Akonthi nih a rak tarlangh chin ve.
Hlasakthiam Mee Mee Khel cu a pasal thing hlasak thiam Htoo El Linn he fanu Phyu Phyu Sin Sin Lin pakhat an rak ngei. Hlasakthiam Mee Mee Khel cu a rak nun lio ah a umnak Australia ram in rak kir in kawlram ah Show a rak tuah.
Mah Mee Mee Khel Back To You Show a rak tuahnak ah cun a fa nu Phyu Phyu Sin Sin Lin zong hla a rak sak ve. Mee Mee Khel Back To You Show ah a fa nu Phyu Phyu Sin Sin Lin nih a pu nih a phuah I a nu nih a sak mi hla cu a sak ve I a thiam kho taktak. Phyu Phyu Sin Sin Lin nih a sak mi hla cu zoh duh mi hna caah a tang lei ah kan van in tar lang piak hna.
Leave a Reply