Singer Melly Sui Nih Maw Bawipa Kanram Le Miphun Caah, Timi Hla A Sak

Kan chin/lai mi chungah sianginn ca chim lei in siseh aw tha hlasa thiam lei zong in mipi nih kan tleih chan I thazaang zong kan pek taktak mi gospel singer Melly sui cu kan thei dih cang ban tuk in, kan ram buainak ruangah a rian le chungkhar hna cu kal tak in miphun le ram caah nunnak pek in ram tangah hriam a tlaih hi a si.

Miphun le ram caah nunnak pek in ram tangah hriam a tlaih mi sayamah Melly sui nih, Maw Bawipa Kanram Le Miphun Caah, timi hla a sak nak hi rak ngai cio ve uh law a tha in a thiam kho taktak, mipi nih kan tleihchan tak tak mi singer Melly sui hlasak nak cu mah a link hi ice/videos/55 hmeh click piak law a sak nak a video cu na zoh khawh lai.

Thawng pang dang relchap; Pu C.Ngunliancunga Nih Aizawl Ah A Dormi A Len Hna Nizan August 29 ah Pu C. Ngunliancunga (MLA) nih Aizawl ah a ummi ralzaam hna cu an umnak Aizawl, Salem veng, R.Dengthuama Indoor Stadium ah an va len hna.

Pu C. Ngunliancunga nih Myanmar ram ah democracy dirhthan a si khawhnak caah a zuam lio mi hna atu kan ramchung ah an him rih lo ruangah Mizoram hnangam tein um ding le an harsatnak zong a si khawh chungin tawlrel piak dingin ka zuam peng ko. R. Dengthuama stadium ahhin Myanmar ram MP 16 le MLA 4 an um i, Pu C. Ngunliancungah nih ralzaam hna cu ni fatin an herhbau mi le eidin hna a pek tiah theih a si.

Nizaan ah MLA Pu C. Ngunliancunga cu Myanmar ralzaam hna kongah Chin Women National Mission he zoom meeting an ngei i, ralzaam hna an dirhmun le an herh mi dangdang an ceih tiah theih a si. Pu C.Ngunliancung hi Pu C. Thathmunga (L) fapa, Lawngtlai Bazar veng a si i, LADC MDC ah voi 5, EM, CEM term 2 a rak tlai cang mi a si. Lawngtlai west MLA constituency in Mizoram Legislative Assember member ah a thim mi a si.crd-the chin post.