Singer Sui Hlawn Rem Christmas Hla Thar A Chuak Cang + Video

Singer sui hlawn rem hla sak nak cu a tang cem ah a video na khawh lai, thawng dang rel hmasa duh mi caah- Kalaymyo Khuachung Ah Hriamngan A Tlak Caah Nu Pakhat Hliam Tuar, Kalaymyo, Myohla sang ah December 5, zaanlei suimilam 3:00 hrawng ah hriamngan a tlak caah kum 43 nu pakhat a ke aa hliam tiah theih a si. Khoika hmun in an thlahmi a si zong tualchung mi nih an theilo.

Myohla sang nitlak lei Ṭaungphila tlang zawn ah SAC ralkap nih umhmun an khuar i, cu ka hmunhma in cun Myohla, Indaikone, Sakant, khuachung ah hriamngan an kah tawn tiah theih a si. Thawng dag relchap- Hlegu Ah Rohingya 13 Ruak Lamkam Ah Hlonhmi Hmuh A Si, Yangon ramṭhen, Hlegu peng Bala khua Tapinshwehṭi, lampi ah Rohingya 13 ruak cu, December 5 zinglei ah kan hmuh tiah Rohingya bawmhnak lei tawlreltu Ro Nay San Lwin nih a chim.

Hi kong he pehtlai in, SAC ralkap lei thawng thanhnak tuahtu media nih cun oxygen a cah caah an nunnak a liam tiah thawngpang an lenter. A diktak ah cun oxygen a cah ruang ah an nunnak a liammi a si lo, an thih hlanlo an tukvelh hna caah hliamhma faktuk an tuar, cu hliamhma hna cu SAC ralkap kut a sinak tat-te a si tiah Rohingya bawmhnak lei ah tawlreltu Ro Nay San Lwin nih a chim.

Nunnak liammi Rohingya 13 hna cu pa lawngte an si i, Yangon hospital ah an ruak an hlai i checkhlatnak an tuah tiah theih a si. Yangon ah Rohingya miphun hna cu a tu le tu tlaihkhih an tong tawn i, SAC ralkap nih phungninglo poh-mah pek in hmalaknak an tuah hna leng ah, Passport zung ah miphun thleidannak zong SAC ralkap chan ah tampi a cang. Thawng dang – PDF-Kalay Pahnih Ralhrang Nih An Tlaih Hna I An Thah Colh Hna, Nizan (Dipa 4) ah Kalay peng.

Doewaingchaung, khua pawng ah ralhrang hna nih lam aa chawkmi an check hna lio ah PDF-Kalay chungtel minung(2) cu an tlaih hna i an thah colh hna tiah Zalen nih a langhter. Ralhrang lei ṭang thawngzamhnak nih cun ‘Zumhlo mi cycle pakhat cu check ding in an auh hna nain an dir duh lo i an zam ruangah an kah hna i PDF ruak pahnih le pistol pakhat an lak’ tiah an langhter.

A mit bak in a hmutu pakhat nih ” An zam ruangah an kahmi hna si lo. An ruak cu sa-la-eih chung ah an sanh hna i mawṭaw cungah an khin hna. An ruak cu a cawl zong cawl ti lo” tiah a chim. Kah a tongmi pakhat cu Khuppi, a si i a ruak zong chungkhar hna nih a tutiang an la kho rih lo tiah theih a si.crd- CCN Channel. Mah a link hi e.com/wVIDEO ?v=96JQKHGQ_rI  cmeh law a video si.

Leave a Reply

Your email address will not be published. Required fields are marked *