Hlan lio ah lemcang lei in siseh hlasa thiam lei in a min a rak thang taktak mi Tint Tint Tun cu a rak lar lio ah kawlram mipi nih an rak uar taktak mi lemcang thiam le hlasa thiam min thang pakhat a si.
Kawlram lemcang thiam le hlasa thiam lei ah a min a rak thang taktak mi Tint Tint Tun cu a rian lemcang le hlasa cu i din in tu ah cun biaknak lei ah pum a peng mi a si cang. Myanmar Actress le singer a si mi Tint Tint Tun cu biaknak/thilashin lei a lutnak hi kum 10 leng a si cang tiah thei a si.
Kawlram ah hlasa lei in siseh lemcang thiam lei zong in a rak lar taktak ve mi Tint Tint Tun cu naitan ah khan cele cele all ti in facebook page a tuah mi nih Tint Tint Tun cu july 29 chun suimilam 12 hrawngah khan a nunnak a liam tiah a facebook page ah cun a rak lang ter.
Mah thawng dik lo a rak thanh ruangah a rian tuan tti hawi le a fans hna nih amh hi thawng dik maw a si thawng dik lo dah tiah an lung rei a thei ngai cio hna. Tint Tint Tun a thi ti mi thawng pang cu Tint Tint Tun he peitlainak a ngei mi phungkii pakhat sayadaw U Hla Taw cu Duwun media nih online in thawng halnak an ngei.
Saya daw U Hla taw nih sayalay Daw Nandarmala (Tint Tint Tun) cu a ngan a dam lio a si ko ee. Like nan hmu nak ding caah thawng dik lo in thanh hlah uh tiah Saya daw U Hla taw nioh a rak ti hna.
Leave a Reply