Hlasa thiam Van Hlei Iang cu lai mi chungah pathian thangthat hla sak lei in mipi nih kan uar tuk cio mi hlasa thiam minthang pakhat a si. Pathian thangthat hlasa thiam lei in laimi nih kan tleichan ngai mi hlasa thiam van Hlei Iang nih kum thar hla a sak thar mi cu a thiam kho taktak. A tangah zoh duh mi hna caah video kan van in tar piak hna.
Cadang rel chap: Covid-19 in a sem chinmi, Mutant Covid cu tuchun ah Colorado sate, Ebert County ah kan hmuh caah kan i ralrin taktak a herh tiah governor Jared Polis nih tu zanlei ah a chim. CDC zongah report kan tuah cang a ti. US ah mah zawtnak hi a hmasa bik an hmuhmi a si.
Covid-19 Variant B.1.1.7 timi rungrul hi UK ram ah naite ah an hmuhmi coronavirus a si. A karh a ran tuk caah tihnung ngaimi a si an ti. Covid-19 virus nak in ichonh a fawi chinchin ti a si. Mah zawtnak a ngeimi an hmuhmi pa hi kum 20 hrawng mno a si. Khual tlawngmi a si lo caah zeitindah an chonhning a si timi hi biatak tein an kherhhlai lio a si.
UK sii lei thiammi hna nih an chimnak ahcun mah zawtnak hi atu lio Covid-19 khamhnak sii i chunh ahcun ikhamh khawh dawh a si ko” tiah an ti. UK ah mah virus hi an hmuh hmasa bikmi a si caah UK ram ah luh le chuah biatak tein an kham lio a si ve. Crd: Salai Lairamthang
Leave a Reply