August 4 nii ah Lebanon ram, Beirut khualipi ah fak taktak in thil voi 2 a puak ruangah a minung 100 leng an nunnak a liam/an thi pinah minung 4,000 leng nih hliamhma an tuar i inn thatha tampi a rawk tiah theih a si.
Beirut khualipi ah fak taktak in thil voi 2 a puak lio ah sinum nu nih a rian tuannak inn ngei tu an fa nu te cu nunnak pek in a chan chuah. Sinum nu nih hngakchia nu te a chan chuah lio video cu social media ah a lar taktak nak kong cu Thesun.co.uk news nih a lang ter.
Ruah lo pi in thil puak thawng ka thei cu ka lau tuk, tlawmpal ah inn a hninh i inn chung thil ri zong a van tla colh ve. Mah tik ah rian rang in ka pu te an fa nu cu ka lak i inn chung ah ka lut/tli pi. A Puaknak hmun he kan umnak hi a hlat ngaingai ruang ah kan nun a him.
A Puaknak hmun le kan umnak hi i nai seh law cu kan lo bak ko lai ti mi kan ruah ah hin a ruah zong ka ruah ngam lo tiah sinum nu nih a chim. A tang lei ah sinum nu nih hngakchia nu te a chan chuah nak video zoh duh mi hna caah kan van in tar lang piak chin ve hna. Crd; Shwemom.
https://www.facebook.com/alarabiya.english/videos/316538429471171
Leave a Reply