Hnawm hlonhnak motor chungah tissue paper in an tommi diamond tungbul (hnatonh) an hlonh chih sualmi cu sipin riantuan pakhat nih tha tein a kawlpiak caah cu sipin riantuan cu Mandalay mayor Dr. Ye Lwin nih upat peknak kan tuah lai tiah a chim.
Cu kong he pehtlaihin Mandalay mayor Dr. Ye Lwin nih a tanglei bantukin a facebook cakuang ah a tarlangh hi a si.
Amarahpura myone in motor monghtu U Thein Naing Htun (chihkhat a mongh chunmi) nih a monghmi RC-24 hnawm latu motor cu No. 4 sang chung hnawm a la dih hnuah Taung-inn Myauk-inn hnawm thleknak lei a kalpi. Cu ti a kalpi lio ah phone an chonh.
‘Motor cung hnawm kan hlonhnakah tissue paper in kan tommi diamond tungbul kan hlonh chih sual’ an ti caah lam kam ah a hnawm motor a dirter riangmang i tungbul ngeitu a phan tiang a hngak. Tungbul ngeitu a phan tikah lam kam ah a hnom thleh in a tungbul kawl ding a ti nain motor monghtu nih mipi um kalnak pawng a si caah dantatnak ka ing kho a ti i tungbul ngeitu cu hnawm hlonhnak hmun tiang aa zulhter.
Cu ti cun hnawm thlehnak i tuanvo ngeitu sinah thil sining a chimhpiak i a dang tein hnawm thlehnak nawl a halpiak hnuah hnawm cu tungbul kawl khawhnak ah a dang tein ah an thleh i tungbul cu an kawl. Zinglei suimilam 10:30 am hrawngah diamond tungbul cu an hmuh than ti si.
Tungbul ngeitu nih a lunglawmhnak ah Kyat 15000 a pek i cucu tungbul kawl bawmhtu ngakchia hna a cheuh chin hna tiah kan theih. A fel i a tuanvo a theih caah Sipin Aniversiry Day tikah upat peknak kan tuahpiak lai” tiah Mandalay Mayor Dr. Ye Lwin nih a tial hi a si.
Nawlnak a theih thiam iHnawm latu motor chung a phanmi paoh a hlonh chih lo i a rial chih lo caah upat peknak tuahpiak a si lai.
Ref: Pyi Myanmar
Leave a Reply