Rev. Peter Ngun Za Cung nih “State Chief Minister Le Minister Petu Cu President A Si” ti tlangtar in ca tawite a tial. A tialmi chungah Party hme tete nihi Chief Minister le Minister si ve ding in iruah palhnak ca an thlahmi tete ka rel. (Myanmar) President nih amah party chung lawng in CM le Minister a pek lai tiah a tial. A tialmi dihlak cu;
“State Chief Minister Le Minister Petu Cu President A Si. Party hme tete nih Chief Minister le Minister si ve dingin i ruahpalhnak cathlah tete kan rel. Teinak an hmuh hmanh ah MP dirhmun lawngin Miphun caah an chimrel kho lai.
Miphun kan luatnak ding caah cun Center Government le State Government hrimhrim ah hmunhma kan lak khawh a herh. Cucaah President nih a mah Party chung lawng in CM le Minister cu a pek lai” tiah a tial hi asi.
Rev. Peter Ngun Za Cung nih a cunglei bantukin a tialmi tangh Tawk Tling Thang nih a tanglei bantukin comment a tial i, a singkhawh chih hi a si. Tawk Tling Thang nih a tial ve mi cu;
“Pohmah 261 chung i dalthen a zapi tein zoh tikah President nih minister pawl a thim hna lai timi a pelte zong aa tial lo. President nih state le region pawl minister a thim hna na timi cu 100% in na palh. Kaa palh ti naa hngalh ko bu in ca na post i careltu zei maw zat na hlenmi hna ko hi a sual khun…. lih le lih in ca kan post piak ti hlah.”
“A dik mi te lawng rak post cang. Comment kan pekmi hi na cohlan khawh lo ahcun 2008 phunghrampi nih, “President nih minister a thim ti aa tial maw tial lo” timi tlangtar in biaraldoh (debate) na ka tuah khawh. Timhcia ka si. President nih cabawm kuat in minister a thim/a pek hna ahcun upadi a buar a si lai” tiah singkhawnak comment a tial hi si. Atang hmanthlak tein zoh le rel chih khawh si.
Rev. Peter Ngun Za Cung catialmi kong ah Salai Ngun San Aung nih, “Politics hi kap tam deuh le thuk deuh in kan purhdah pi tuah ulaw kan ilawm hnga. Cun ram chung ramleng kan uu kan pa le mifim cathiam bochan mi nih an chimmi zong ngaih le kan ram tuanbia le ramkhel thlihrang kong ca zong rel deuh aa hau rua hih. Bible ca lawng rel cun Politics iceih hi a si kho deuh lo hih” tiah comment a tial ve.
Source: Peter Ngun Za Cung
Leave a Reply