Kan farnu Sui Hlei Tial ruak fimtawlnak kong cu vawlei cung Laimi vialte nih kan lung fahpi i kan tuarpi kan ngaihchiatpi cio. Cu tuarpitu hna lakah biazai a tialmi hna nih biazai in an tuarpinak an langhter i, muitawn thai thiam nih muitawn in an tuarpinak an thai ve. Cu lawng siloin hlaphan thiam nih hla in a phan ve.
Malaysia ram ah inn cung tlaknak in a kan liam tak mi kan far kan nau Leng Sui Hlei Tial cu Falam hla phuah thiam Biak Hlei Sum zong nih a tuarpinak hla a phuah ve cang. Cu hla cu minthang hlasakthiam Far Men Par le amah Biak Hlei Sum nih a sa i a tangah a video kan van tarpiak chin hna.
Kan hnu zongah Evan. Van Biak Tluang nih kan farnu Sui Hlei Tial tuarpinak hla a phuah ve i Lai hlasak thiam awtha minthang Bawi Thiang Bik nih a sakmi hmuh a si. Mipi nih ngaih khawh cio ding in social media ah an tarlangh ve i, mipi zong nih nan ngai cio cang lai ka zumh.
Atu ah Falam lei in hlaphuah thiam le hlasak thiam nih an tuarpinak hlaa an van phuah thanmi cu mipi ngaih khawh cio ding in social media YouTube channel ah tar a si than. A tangbik ah a video zoh khawh ding in tar chih a si.
Kan naunu Sui Hlei Tial cu Malaysia ram ah 2020, Sptember 29, zan Suimilam 8 :00pm (Malaysia local time) ah inn cung in a tla i a kan thih tak. A ruak hi Zarhte zan 7:00 pm (Malaysia Local time) in Kawlram lei a van i thawhpi.
Malaysia in Kawlram chung, Kawlram in Laitlang in an van lutpi hnuah a chuaknak a khua Thantlang khua uknak lei tuanvo ngeitu hna nih khuachung lutpi an kham caah buaipi ngai a si i, Laimi vialte nih tuarpi cio a si. Cu tuarpinak cu biazai he hla in an tuarpinak an langhter cio hi asi.
Atang ah video tawi zoh ding kan tarpiak chin hna.
Video: Chin Net
Leave a Reply