Rampi thimnak a nai cang. Hruaitu a si dingmi nih voi 5 tel in ngeih bak ding. Pathian hmai a kawlmi hruaitu tha;
1nak. Miphun a thanchotertu cu dinnak a si, felnak a si i zumh awk tlak tein nun hi a si. Cangai pi cu sir paleng in a kal caah a fale zong an sir paleng in an kal dih ve. Pathian hmai kawlmi hruaitu kan miphun pi nih kan herh tuk hringhran cang hna hi mu.
Miphun uktu kan herh lo miphun hruaitu tha kan herh, mah ca si lo miphun ca tuantu, Ram eihmuartu si loin ram sersiamtu kan herh, ram ca thilrit si loin ram thilrit a chawngtu hruaitu kan herh, kan miphun pi nih chim le rel thiam ngai tung tuannak ah zei si lo, cu bantuk kan herh lo chimrel thiam lo zong ah a takin ram ca tuantu kan herh.
2nak. Miphun caah tuan ve dingin pum ai pemi nan dihlak in Pathian sin fakpi thlacam cio uh. Ram le Pathian then awk tha lo Pathian hnatlak pi si a herh, amah nih na lam a tluanter lai.
3nak. Maw Bawipa aw kan zaangfah ko, ram pumpi i mee vialte hi nangmah nih kan tlaih piak dih ko mu. Lam le sul a dolh dihtu le ti le mei a lemh dih tu ding cu Bawipa aw kan hloh piak ko hna.
4nak. Rulpi nih Eve kha a pek, Eve nih Adam kha a pek, cucaah Eden chungkhar cu a rawk. Na nupi sin ziknawh a luh cucu na cohlan ve ahcun kan ram Eden cu a rawk ko lai.
5nak. Pathian a tih lomi uktu nuhmei santlai lo lamhchihtu mah karkalak lawng a zohtu le zu le sa he nuamhnak kawl in ram chaw duh poh in a hmangtu uktu le hruaitu cu kan herh lo.
6nak. Sui Party zong kan herh lo i, Ngun party zong kan herh hlei lo party nih ram a sersiam lai lo. Ram dawtu pasaltha kan herh ram dawtu nusaltha kan herh ram minung zong lungfim a cu cang.
Credit: Ronal Pamawi Van Khawng
Leave a Reply