Naite ahkhan Han Nyein Oo nih Super Actor Nay Toe darling pathumnak cu mipi theih in a phozar. Amah cu a min ah Nann Yati Khine ti a si i hlasak thiam le awtha pakhat a si pinah lam zong a thiam ngaimi model pakhat zong a si ti si. A mui dawh le lam thiam lawng siloin a pumrua hrimhrim a tha.
A pumrua aa dawh ning cu Kawlram sexy model Thin Zar Wint Kyaw le Lu Lu Aung te pawl hmanh nih an tluk lo i Ih Chaw Po nak hmanh in a pumrua aa dawh deuh ti awk in a um. Hi tluk in aa dawh caah Kawl nungak paoh nih an uarmi Nay Toe hmanh Nann Yati Khine cungah a mit a tla ko hi.
Naite ah Han Nyein Oo nih Nay Toe darling a pathumnak tiah an thlithup duhdawtnak a phozar i, cucu an thangchiat duh ruangah siloin Stay Home lio mipi umharphen theihtlei ah ka phozarmi a si tiah amah Han Nyein Oo lila nih a chim than. Han Nyein Oo nih Nay Toe le Yati Khine chatting an tuahnak screenshot tehte a tar chih i a sining a phuan hi a si.
Nann Yati Khine hi zeibantuk minung asi timi YouTube ah zoh than tikah a hlasaknak le a lamnak tete a video hmuh len khawh a si. A mui dawh lawng siloin hlasak, lam le lemcang zong a thiam chih tak ko. Kawl titoih puai hla Thingyan Boy timi official music video zong naite ah kan rak tar chih bal cang.
Tutan cu thawngpang chia le khuaruahhar thawngpang lawng nitin rel a sip eng caah careltu nan mittha damnak ah hi Nann Yati Khine a lam sawhsawhnak video tawi kan van tarpiak chin hna.
Video: Zaa Azz
Leave a Reply