Super Model Actor Paing Takhon Nih A Darling A Pholangh Lawlaw Cang

Kawlram chung lawng si loin Thailand mi tiang ah uartu fan a ngeimi Super Model Paing Takhun nih mipi theih in a darling kong a pholangh cang. Hi tin a nungak kong a pholanghmi cu Han Nyein Oo nih a si lo ning in a kong a post caah a si.

Han Nyein Oo nih Paing Takhun a tialmi cu “Caw he tahchunhmi Super model Paing Takhun” tiah tlangtar in a tanglei bantuk a tial caah Paing Takhun nih a nungak kong a chim lawlaw hi a si.

“Paing Takhon caw he a tahchunhtu hi a darling a si kho. Amah le mah caw he aa tahchunh buin an dawtu kha man ngeihter law, nangmah kha caw he an tahchunh buin an daw khotu cu na liang a that ruangah siloin an daw taktak ruang tu ah a si,” tiah a tarlangh hi a si. Han Nyein Oo nih hi tin Paing Takhon kong a tial ahhin mintami Smile kha  a  ti hnawh chan a si.

Cu kong he pehtlaih in Paing Takhon nih “A nulepa dawtnak a theihthiam pinah a hlu pek le biaknak ah siseh, mizawn ruahthiam nu pakhat a si. A biachihmi zong ah a fim i a felmi, keimah cungah zumh awk tlak tein a ummi a si caah ka duh tuk.”

“Kan pahnih kar ah voikhat hmanh buainak a um bal lo i awhrang in voikhat hmanh a ka chawnh bal lo. Nihin hi tiang ka cungah zumh awktlak in a um i a ka dawtu ka nungak cu ka upat peng” tiah a tial langh hi a si.

Han Nyein Oo nih Paing Takhon caw he tahchunhnak kong a tialmi ah Paing Takhon nih, “Bro. chatting tuahnak screenshot na tarmi pawl hi a deu an si. Bro. na rian i theih. Ka nungak bantukin account deu aa tuahmi hi pakhat lawng a si. Ka nungaknu cu amah tein dai tein a ummi a si” tiah comment a tial chih ve.

Paing Takhon nih hi tin a sining a pholangh hnu ah Han Nyein Oo nih cun upat nak kong a tialpiak than. “A nungak a pholangh ngamnak le kan i chawnhbiaknak ah upat awk a tlak. Paing Takhun a uartu hna nih cun a nungak zong kan uar ve ding a si. A nungak nu cu a hlu peknak le biaknak lei ah a felmi a si i, upat awk tlak nulepa nih an hrinmi fanu tha a si. Zeihmanh soisel awk a um lomi  nufim nufel a si ti si” tiah a nungak tiang a thangthatnak a tial than hi asi.

Source: Han Nyein Oo

Leave a Reply

Your email address will not be published.