2019-2020 cacawn kum ah tanghra camipuai a awngmi a naupa cu Pyinmana myone chung i Evera Dam a va lenpinak ah Dam pawng i lung cungah a naupa cu selfie thlak ding a kai i a ke a nalh sual caah dam tidil chungah a tla.
Cu ti cun a upa nih a naupa chanh ding a tum hnawh ve cun an unau pahnih in an nunnak a liam tiah Pyinmana myo, Thedawada biaknak le hruaitu le chiat-that bawmhtu phu chungtel Ko Ye Min Naing nih Pyi Myanmar ah a chim.
A thimi hna cu Mg. Min Khaing Tun (kum 25) le Mg. Phoe La Pyay te unau an si i August 10 chun ah Evara dam an kal i dam tidil chung an pam hi a si. August 11 ni chun suimilam 12 hrawng ah a upa Mg. Min Khaing Tun ruak an chuak kho ni a naupa cu zanlei suimilam 3 hrawngah an hmuh ve tiah theih a si.
Mg. Min Khaing Tun le Mg. Phoe La Pyay te unau ruak cu Pyinmana myo, Ihkhun 100 tlum siizung ah ah Thedawada chiat-that bawmhtu phu mino hna nih an kuat tiah theih a si.
A fapa tanghra a awng i an lawmhpi cuahmah lio ah tu bantukin an unau pahnih in an nunnak a liam than tikah zeitlukin an chunglei an ngaihchiat hnga mu.
Ref: Myaylat Tharlay
Leave a Reply