Vawlei cung ah bawlung celh chuih thiam lei in a min a thang taktak mi bawlung chui thiam Messi konglam cu mipi nih thei le hngal duh ngaingai cio a si. Cu caah tulio vawlei cungah bawlung chuih thiam lei in mipi nih uar ngai ngai mi le thei chan ngai ngai mi minthang Messi tu lio a kong lam cu a tang lei ban tuk in hin a si.
Kum 15 chung Messi le C. Ronaldo ah hodah a thiamdeuh lai ti biahalnak cu kumkhua in ai peh rih ko lai. Asinain ram khat zong a si lo i club pakhat ah a chuihti ballomi hna pahnih hi hmun khat ah chuihti hna seh ti a duhmi an tam ko.
Atu cu Carlos Tevez thawng in a ruah hlan ah Messi le Ronaldo an chuihti kho lai tiah bawlung vawlei cu ruahchannak he an i lawm ngai.
Tevez cu Argentina hmaikal a si i Messi he saupi an rak chuihti. Cun Ronaldo he zong kum hnih Man U ah an rak chuihti. Atu hi an ram i The Boca Juniors timi club ah a chuih i tu hnu thla ruk cun aa din cang lai.
Aa dinh tikah Testimonials Match an chuih lai i mah ahcun a chuihti hawi chung in minung a thimmi hna cu an ram Radio La Red sinah a tanglei bantuk hin a langhter.
Buffon, Hugo Ibarra, Rio Ferdinand, Gabriel Heinze, Patrice Evra, Andrea Pirlo, Paul Scholes, Paul Pogba, Cristiano [Ronaldo], Leo Messi and Wayne Rooney Pawl hna hi a lang ter mi hna cu an si. Copy by: Teirial Catiaaltu.
Leave a Reply