Tedim ah COVID-19 zawtnak in minung pakhat a thi: Chin Ramkulh, Tedim khuapi ah COVID-19 zawtnak in kum 75 upa pa pakhat 2021 January 4 ah a nunnak a liam tiah theih a si. Atu zawtnak in a thimi pa hi zun thlum, thithlum zawtnak a ngei ciami a si. A thih ah a thawchuah aa harh, a cumpi i chungkhar hna nih Ngandamnak zung lei an pehtlaih hna i zawtnak an cheknak ah COVID-19 hmuh a si.
Hi kong he pehtlai in Tedim sii-inn-uk nih, “Atu a thi mi hi a hlan ah zunthlum le thithlum zawtnak a ngei mi a si. A thih hlan ahhin a thawchuah zong aa harh. A thawchuah aa harh tik ah chungkhar lei nih Ngandamnak Zung ah thawng an thanh i zawtnak an chek hnu ah zawtnak hmuh hi a si. Pawngkam minung runvennak ca ah tiin an innpawng zong phihkhar a si.
A thih le cangka in Tedim Youth Fellowship (TYF) nih an vui colh,” tiah a chim. A thimi pa he aa pehtlai mi minung poh Facility Quarantine ah an chiah hna i zawtnak an chek ve hna lai. 2020 kum a dih lai ahkhan Tedim Peng, Tuithang khua mi India tlung pakhat pa zong COVID-19 zawtnak in a thi mi an um cang.
Photos/ CS Mung No Facebook, crd – The Hakha Post.
Leave a Reply