Tedim Peng Ah Pehzulh In Kahdohnak A Chuak, Mizapi Ralkap Nih Meithal 4 An Lak + Video

Chin ramkulh, Tedim peng chungah ralhrang he pehzulh in kahdohnak achuak, meithal 4 lak piak an si tiah Chin mizapi ralkap sinin theih asi. Nihin January 15 zingah Tedim peng Taingen khua lonh Hingzing khua pawng ah kahdohnak achuak, ralhrang hna bomb in puah an si caah thi le hliam an um kho, mizapi ralkap lei in hliamtuar an um lo. January 12 ah Kalay in ralhrang thazaang 100 leng cu Tedim peng chungah ralhmai ser in January 13 ah Theizing khua pawngah kahdohnak a thawk i,

Ralhrang lei 3 an thi tiah theih asi. Ralhrang hna le Chin mizapi ralkap fonh asi mi (Kalay, Kabaw, Gangaw) CDF, KKG, PDF Zoland, CNA i bawm in kahdohnak achuak. Crd- The Independent Post. Note: Mah a link hi /khitthitnews/videos/ hmeh piak law tuchun an I kahdohnak video a si I kan pasaltha hna nih ralhrang an thah mi hna an ruak zong na hmuh khawh lai.

Thawng dang: Rallei boruak ruangah Kalay-Falam lampi cu khualtlawn rih lo dingin CNO nih nihin ah ralrinpeknak an thanh. Ralhrang nih January 6 ah Chin ramkulh le Sagaing ramthen ramri in Falam lei ah ralhmai tuah in lampi i an hmuhmi hna mizapi cu ralphaw ah an hman caah atu bantukin ralrinnak an thanh hi asi. Atulio ah Kalay in Chin ram kaimi meng 9 ah khualtlung kal mizapi cu phihkham an si i ralhrang le mizapi ralkap i kahnak azual kho mi dirhmun ah dir lio asi.

Ralhrang nih January 12 ah Kalay in Chin ram ah kai dingin timhtuahnak an ngei tiah PDF-Zoland nih an rak thanh. Falam peng, Webula khuapawng zongah sualnak ngei lo mizapi 5 hna cu January 10 ah an tlaih hna i ralphaw ah an hman hna tiah CNO nih an rak thanh bal cang. January 11 ah ralhrang le CNDF kahdohnak achuak i ralhrang 15 leng an thi tiah theih asi. Crd- The Independent Post

Ca dang rel duh mi nih rel chap: Taunggyi khua chak ah khua velnak lam pakhat a um. Cuka hmun in an khuapi dihlak hmuh khawh asi, an viewpoint kan ti ko lai. Kei zong muih lai ah ka va kal ve. Tulio dirhmun in cun a muih hnu in motor kal hmanh khi tih a nung lai ti khin ka ruah. A cho fak ngai, nain kataya an phah dih caah kal a fawi ngai ko. Ka vun kai thluahmah i lampi ah lam a lengmi minung cat loin ka hmuh hna. Ngandamnak caah lam an leng cio tinak a si.

Kum upa cangmi nutung tampi zong anmah lawng in an kal cio ko. An mithmai zoh ah tihphannak pakhat hmanh a lang lo. Normal ngai in khua an sakmi hmuh khawh a si. I kahnak a um bal lo caah khuachung ah palek le ralkap hmuh awk zong an um lo. Anmah sin ah cun aanaa ting a um rua lo ti awk khin a um. Khua tam ngai ka ruat, hngar awk maw an si, silole, zaangfak awk dah an si ti khi kai fiang set lo. Crd- Salai lungthlitum

Leave a Reply

Your email address will not be published.