Trump Nih USA Kum Li Uk Than Lai: 2020 US Election cu a dih rih lo nain Donald Trump nih a tei ti khawh a si cang.
Atu khi Blue states cu blue cang, Red states a red cang. Swing States an tang le Trump nih Electoral vote tam a ngeimi States Texas, Florida a lak hna pinah Georgia zong a lak. Atu ah Pennsylvania le Michigan zong a tei cuahmah. Atu hi Ohio a lak lai a fiang fawn, i ‘Where Ohio goes, so does the United States’ an ti le Ohio ah a teitu hi President si te lai tiah zumh a si.
US thimnak ah Electoral Vote 270 a lak khomi nih tei a si. Biden cu Electoral Vote 46 a bau i Swing States a simi Arizona, Nevada, Minnesota, Michigan le Wisconsin ah a tei a herh. Arizona cu a tei lai zumh a si. Nain Michigan ah Trump nih a tei lai a fiang pah cang fawn.
Cucaah Joe Biden cu a sung lai. Donald Trump nih president kum li a peh lai ti a fiang cang.
President thimnak lawng a si lo, atu hi US Congress thimnak an tuah chih. HOUSE ah cun Democratic an i chap lai ti a fiang. Senate belte hi chim chung a har nain Republican senator 26 hrawng an i zuam lai caah an sungh ding lam a tam.
Result taktak hi Election day hnu ni khat in ni hnih/thum hnu ah a fiang lai tiah CNN le NYT nih an ttial. A ruang cu Post in thimfung an thlakmi a tam i an rel dih kho zau lai lo. Cu bu ah Trump nih a tei ko tiah kan ruah.
Credit: Teirial Catialtu
Leave a Reply