Tu lio cu Kawlram chung pulrai zawtnak a hung karh tuk cang timi thawngpang ruangah naihniambik ram Thailand cu a ttih tuk cang i Thailand le Kawlram ramri Gate in phung ning lo a lut mi paoh meithal in na kap kho tiah Thailand cozah nih a ralkap nawl a pek tiah theih a si.
Mae Sot myo, Thailand ralkap bawi pakhat nih cun a tu tiang Mae Sot khuapi ah Covid-19 kan runven khawh i zawtnak a ngeimi pakhat hmanh an um lo tiah a chim.
Kawlram cu zawtnak an runven kho lo caah Kawlram i zawtnak a ngeimi nih Myawady ramri in Mae Sot myo, Thaungyin tiva tan in an lut kho caah ramri i Thaungyin tiva tan an lutnak hnga lo le an lut sual ahcun Thailand ralkap nih meithal kap ding in cozah nih nawl a pek hi a si.
Thailand lei nih cu bantukin an ramri an ven tikah Kawlram lei zong nih biatak tein an ramri a ven ve cang. Tuzing cu Thailand le Kawlram chitkyiyee hlei tangah minung um kal an um maw um lo tiah Kawlram lei in tuanvo ngeitu hna nih zohfelnak an tuah ve cang.
Hi kong a tialtu nih cun, aa dannak cu Kawlram lei nih cun hlei cung in minung an um le um lo an zoh. Thailand lei nih cun palik lawng si loin an ralkap tiang nih Thaungyin tiva kam thluanpi an i tlar i an ramri an ven tiah a tarlangh.
Thailand ralkap pawl video zohduhmi nih HI VIDEO ZOHNAK hi hmeh law an video zoh chih khawh a si.
Source: Myaelat Tharlay; Zin Moe
Leave a Reply