Thailand Ramri In Bawmhnak A Pek Cang Lai

Myanmar Ralhrial Miharsa Hna Caah Thailand Ramri In Bawmhnak A Pek Cang Lai, ASEAN foreign minister hna nih kum 2021 Myanmar ramkhel dirhmun aa thlan hnu in Myanmar ralhrial miharsa hna caah a voikhat naak bawmhnak pek dingin timhlamhnak a ngei, tiah theih a si. A tu bantuk Myanmar ralhrial hna caah bawmhnak pek dingin remnak sermi hi ASEAN Chairman Laos nih ASEAN Foreign Ministers’ Meeting ngeih mi ah ceihhmainak a ngeih pi hna i, February thla dih lei in bawmhchanh naak hi Myanmar ram kuat a si lai.

Myanmar ralhrial hna caah Din-ei le si-ai tampi bawmhnak cu Thailand le Myanmar ramri kilometre 2,000 leng a hlatnak hmun in kuat a si te lai, tiah ASEAN nih a chim. Thawng dang relchap- PNLA Le Ṭangṭi Phu Nih Hsihseng Khuapi Khah-Mah-Yah 423 SAC Ralkap Sakhan An Laak Chap, Shan ramkulh thlanglei, Hsihseng khuapi chung Khah-Mah-Yah 424 SAC ralkap sakhan cu Pa-O National Liberation Army (PNLA) le ṭangṭi phu nih an laak hnu ah Khah-Mah-Yah 423 SAC ralkap sakhan zong an laak chap i, hriamnam an laak mi le sakhan an laak mi kong cu.

Phungning tein thanh a si te lai, tiah PNLA thawng laaknak hrampi nih Khit Thit Media ah an chim. A luancia January 26 ni ah Hsihseng khuapi Khah-Mah-Yah 424 SAC ralkap sakhan cu PNLA le ṭangṭi phu nih a rak laak i hriamnam zeimawzat zong an laak khawh. Cu pin ah, nizan January 28 ah Hsihseng khuapi chung Khah-Mah-Yah 423 SAC ralkap sakhan an laak chap i hriamnam an laak mi kong zong phungning tein thanh an timh, tiah theih a si.

Hsihseng khuapi Khah-Mah-Yah 423 SAC ralkap sakhan cu January 28 zinglei ah a ningpi in kan laak khawh cang. SAC ralkap nih nizan chun nitlak vanlawng in bomb an thlak pin ah hriamngan dongcat lo in an kah. Khah-Mah-Yah 423 SAC ralkap sakhan laaknak kong zong a rauh hlan ah kan thanh zau lai,” tiah PNLA thawng laaknak hrampi nih an chim. Ram pumpi kahdaih hnatlaknak NCA min a thu mi PNLA nih hramhram in nawlngeihnak a latu SAC ralkap pawl cu ṭangṭi phu unau hna he kan kahdoh ve cang hna lai, tiah a luancia January 26 ni ah phungning tein an thanh.

Leave a Comment

Leave a Reply

Your email address will not be published. Required fields are marked *