Thailand Thong Chuak Chinmi Minung 8 An Khamhnak Video (+Video)

Thailand ram ah thong an thlak i an chuahter thanmi Kawlram mi minung 120 hrawng cu  bus motor nganpi in Thailand ram rak kuat an si i Kawlram Mon ramkulh, Pale myothit an phan hnu ah Pale Fire Forces pawl nih an bawmh hna.

Cu minung 120 chungah minung 38 cu khoika kalnak theih loin an um caah anmah caah Pale Fire Force pawl nih a bikin an bawmh hi a si. Cu 38 chungah kan unau Tedim Chinmi zong minung 8 an i tel ve. Atangh an bawmh lio video pawl tar chih a si I hi video hi Pale Fire Force ah riantuan ve mi Htin Lin Aung nih a facebook page in live a thlahmi a si.

38 chungah hin Rakhine miphun zong an um ve i anmah cu an miphun hoi hna nih an lak dih cang tiah theih a si. Chin miphun hna cu kan miphun hawi hna nih an lak hmanh hlan ah tuanvo ngeitu Pale Fire Forces hna nih President zung lei thawngthanhnak an tuah cang caah an hngakter i VP nih a thlahmi phu nih Pale Fire Forces hna kut ah an va lak chin hna.

Thailand ram in an rak kuatmi dihlak hi minung 120 hrawng an si i Thailand ramri Mon ramkulh, Pale myothit ah an van lutpi hna. Mon ramkulh in Yangon lei rak kuat chin ding an si nain zeitindah pehtlaihnak kan tuah lai timi an theih lo caah a rak kuattu hna nih Pale Fire Force pawl bomh an hal chin i Pale Fire Force pawl nih a herh ning in pehtlaihnak an tuah piak hna hnu ah tu bantuk anmah le an khua cio ah an kuat hna hi a si.

Pale Fire Force hna nih an rawl tam lai tiah ti le rawl an phunphun an din an eiter hna hnu ah bawmhnak an halpiak i company pakhat nih an kalnak Kyat 10000 cio in an ronh rih hna. A tanglei video hi kan unau Chin miphun 8 cu VP thlahmi phu kut cungah tha tein kan chanh hna timi langhternak caah an tlakmi video a si. A khual lam tluang ko seh.

https://www.facebook.com/100007813008609/videos/2822030121400727

Source: HLA

Leave a Reply

Your email address will not be published. Required fields are marked *