Chin fighter min thang Ṭial Cung Thang cu thaizing November 12 zinglei ah Christian Ocon he All In Combat ah an i ṭhua lai i, annih pahnih nih hin bantamweight taisawm an i cuh lai. Ṭial Cung Thang cu One Championship in a chuah hnu ah LFA ah puai khat aa ṭhua i, cu hnu ah All in Combat ah puai hnih aa ṭhua. One Championship a chuahtak hnu in a sung rih lo. One Champioship a rak i ṭhuat lio ah voi hnih a rak sung i, voi thum teinak a hmu.
Caan saupi MMA lamthluan a zawh hnu ah taisawm cuhnak caan ṭha vun a ngei. Ṭial Cung Thang he aa ṭhua ding mi Christian Ocon hi voi 10 aa ṭhuat chung ah voi 7 teinak a hmu i, voi thum a sung ve. Thaizing ṭhiamṭhiam ah Chin fighter Joshua Van cu UFC ah aa ṭhua ve lai. Joshua kong hi cu kan rak ṭial pah cang. Chinmi chung in miphun dang lakah level sangpi tiang lente aa celh kho mi an tam lo. MMA ah cun Ṭial Cung Thang le Joshua Van lawng an si rih.
Thaizing hi Ṭial Cung Thang le Joshua Van ca ah ni sunglawi pakhat a si bantuk in Chinmi ca zong ah ni sunglawi ngai a si. Thawng dang relchap- Operation 1027 Ruangah Myanmar Rampi Aa Ṭhencheu Kho, Chaklei hriamtlai ṭangṭi phu thum nih opertion 1027 an thawk ruangah Myanmar rampi aa ṭhencheu kho. Cu ruangah atutan buainak hi ṭha tein tawlrel ding in le SAC ralkap bawm cio dingin November 8 ah tuahmi National Defense And Security Council ah SAC President Myint Shwe nih a chim.
SAC ralbawizik Min Aung Hlaing nih cun Shan ramkulh chaklei kahdohnak ah MNDAA nih Laukkaing hmunram laak an i tim i TNLA nih Palong ramkulh laak an i tim. Chinshwehaw khuapi zong MNDAA le TNLA ralkap tam tuk nih an kah caah an laak. Myanmar le Tuluk ram petlaihnak ah harnak a chuak khomi a si, tiah a chim.
2021 February 1 thawk in President Win Myint, Aung San Suu Kyi telh in thimnak ah teinak a hmumi, Hluttaw palai leng ah NLD palai hna zong SAC nih an tlaih hna. National Defense And Security Council cu SAC caan karlak President Myint Shwe, Vice President Henry Van Ṭhio, ralbawizik Min Aung Hlaing, ralbawizik chang Soe Win, Pyituh Hluttaw Chairman Ti Khun Myat le SAC lutlai pali nih an dirhmi a si.
Leave a Reply