Thanthlang Ah Hriamngan An Kah Caah CNA Ralkap 1 Nunnak A Liam

SAC Ralhrang Nih Thanthlang Ah Hriamngan An Kah Caah CNA Ralkap 1 Nunnak A Liam, Chin ramkulh, Thantlang khua chung ah SAC ralhrang nih nihin 2023, October 12 ahkhan hriamngan in an kah caah CNA pasalṭha 1 nunnak a liam i CDF-Thantlang pasalṭha 2 nih hliamhma an tuar, tiah mipi pakhat nih Lungmili Post ah a chim. SAC ralhrang nih atu bantuk in hriamngan an kahmi ruang ah mipi inn rawkmi kong cu thawngfiang theih a si rih lo.

Hliamhma tuarmi CDF-Thantlang pasalṭha 2 lak ah 1 cu a hliam hma zong a faak ngai.” tiah a cunglei upa nih a chim chap. Thawngfiang update khawh ṭhan kan van i zuam lai! Kan mipi ralkap hna caah thlacamnak in bawm cio hna u sih!crd- Lungmili Post. Thawng dang: SAC Ralhrang Nih A Bu In Thahnawnnak Voi 22 Tiang A Tuah Cang. SAC ralhrang nih nawlngeihnak a laak ka in kum 2 le cheu renglo chung ah ramṭhen le ramkulh 7 chung ah a bu in thahnawnnak,

Voi 22 tiang a tuah cang, tiah National League for Democracy (NLD) nih nizan October 11 ah cathanh a chuah. Mipi ralkap hna an thazaang a ṭhiawnnak hmun Magway, Sagaing, Bago, Karen, Kachin, Mon le Rakhine ramkulh hna ah SAC ralhrang nih a bu in thahnawnnak a tuah biknak hmun an si i cu thahnawnnak a tuahmi ruang ah sualnak ngeilo mipi 590 an nunnak a liam cang, tiah a langhter. Sagaing ramṭhen chung lawng ah SAC ralhrang nih minung 10 in a cunglei thahnawnnak voi 14 tiang a tuah cang i voi tambik a tuahnak hmun a si.

Kachin ramkulh chung ah voi 3 tiang a bu thahnawnnak a tuah i voi tambik a tuahnak hmun 2nak a si. Magway, Bago ramṭhen le Karen(Kaya), Mon, Rakhine ramkulh hna ah a bu thahnawnnak voi 1 cio a tuah cang, tiah a langhter chih. Sagaing ramṭhen, Kanbalu peng, Pazigyi khua cunglei in a kah caah mipi 168 an nunnak a liam i Kachin ramkulh, Hpakant peng Anantpa khua cunglei in a kah caah minung 62 an nunnak a liam. Cu pinah atu thlachung October 9, zan suimilam 11:00 tluk ah Kachin ramkulh,

Laiza khua pawng Maunglaikhat ralhrial camp cu ralhrang pawl nih an kahdoh caah ngakchia 10 telh in ralzaam 29 an nunnak a liam, tiah kan theih. SAC ralhrang nih thahnawnnak a tuahmi pawl cu fiangtuk in theih a si caah dantat a si khawhnak ding ah kan i zuam lai. Nunnak liammi Myanmar rammi hna caah aa tlakmi thil a chuah khawhnak hnga United Nations Security Council telh in kakip in rak kan bawmchan rih uh, tiah National League for Democracy (NLD) nih a langhter.