Lal Maung Cung cu MP i cuh ding in a hlaan kan in timh le hmun pek cia a rak si cang nain Salai Ceu Bik Thawng nih hmun lawng dang a ummi ah lut duh loin Lal Maung Cung a cuh caah party chung lung i hmuh lonak le mipi vuivainak a rak chuak.
Nihin July 13. 2020 thawk in Salai Ceu Bik Thawng cu Thantlang peng CNLD chungtel sinak in chuah a si cang tiah thawng an thanh a si. An chuahnak ruang an ttialmi ah Salai Ceu Bik Thawng nih Thantlang CNLD cu an zungpi ah ripawt a tuah timi an telh.
Cu ruang ah CNLD Bahu nih Lal Maung Cung le Thantlang CNLD secretary pa cu CNLD chungtel sinak in an dinhter ve hna. Cu pinah Thantlang CNLD EC a thar thim ding in bia an chah.
Cuti a simi cu Thantlang CNLD nih an cohlan lo caah zeitikhmanh ah Thantlang peng CNLD ah Salai Ceu Bik Thawng cu MP i cuhnak nawl a pe ti lo.
Salai Ceu Bik Thawng hi MP cuh a duhnak hmun ah Lal Maung Cung nih a kianh khawh lomi kong Chin Media pawl nih intervio an tuah i voi khat te hmanh Lal Maung Cung dirkamh (endorse) a tuahnak a lang lo. Cun Thantlang CNLD cu an party Bahu ah ripawt a rak tuah fawn.Crd; teirial cattialtu.
Leave a Reply