Hakha Pengkomh, Thantlang khua lonh Sopum kalnak lam ah motor le motorcycle 2020 December 7 suimilaam 6:00PM tluk ah an i pah i a thimi an um lo nain faak ngai in an i khawng tiah theih a si. Thantlang in Sopum kalnak lam petrol dawr hmai ah a si. An i pah ning cu; motorcycle nih motor lonh aa timh lio ah atu bantuk in an pah hi a si.
Motorcycle a khaltu pa hi a lu a kuai, a hnakhaw in thi a chuak i sii-inn ah an tlikpi colh,” tiah a hmun i a ummi pakhat nih The Hakha Post ah a chim. Hma a pu mi pa hi Thantlang sii-inn lei nih an thlop khawh lo ca ah atu hi Hakha sii-inn lei ah an ratpi lio a si. Crd-THP
Cadangrelchap By- Salai Dokhar: 17, 10, 2020 ah Siibawi pawl daithlan ruang ah a nun nak a liam mi Pu Bawi Veng (Pupa Bievaih) nih a tantakmi chungkhar hna sin ah 23,10, 2020 ah ka va leng hna. Pu Bawi Veng (Pupa Bie Vaih) hi kum (35) hrawng a simi a innchung nu le Fa (5) a rohtak hna i a fahniang hi kumkhat leng te lawng a si rih.
Pu Bawi Veng (Pupa Bie Vaih) nih Siibawi pawl daithlan ruang ah a nunnak a liam cu a Chungkhar caah cun tuar a har tuk hringhran. Pu Bawi Veng (Pupa Bie Vaih) thinak he pehtlaih in an Chungkhar nih Siibawi lein fiangternak ca tal hmuh kan duh tiah an chim caah 23, 10, 2020 ah ttuanvo ngeitu Siibawi sin ah ka hal piak hna. Ttuanvo ngeitu Siibawi nih fianternak ca cu ka tuah cang a ka ti.
Sihmanhselaw, a fianternak ca ah a konglam le minsen a tel lo ruang ah le ca zong a tlamtlin lo caah a Chungkhar lein an lungtling kho lo. Cu caah 4, 11, 2020 ah ttuanvo ngeitu Siibawi ka chawnh tthan nain ka phone a tlai ti lo. Cu caah a tu lio i Mipi kan ai-awh a simi Hluttaw Palai hna nih Pu Bawi Veng (Pupa Bie Vaih) Chungkhar hi nan bawmh(nan dirpi) hrim ding ah hi ca in kan nawl hna.
Leave a Reply