Thantlang pawng Thang Hrim Sia zuatnak pawngah tuzing zing 7:30 AM ah khan Chin Taung Tan Motor ai let tiah thawng kan theih. Motor a ngeitu hi Tlangpi Chum Ling a si i Motor mawngtu hi Run Ceu a si.
Motor hi minung 28 hrawng hrang a tlum mi a si i a tu lio cu Covid-19 lio a si caah minung a phur ti hna lo i thilphurh ah ai chawk tawnmi a si. Minung pa hnih an thi i a mawngtu le ai citmi minung pali hrawng hi fak ngaingai in an i hliam i a mongtu hi a ngal a kiak tiah thawng kan theih. Mah a link hi /CBN.COM.AU/videos/40 click law video na zoh khawh lai.Crd: CBN.
Cadang rel chap:Hi ti ning kan si ah cun covid 19 zawt nak in si lo in ei awk ngei lo in kan inn chungah kan nun nak a liam ko lai zei tin tuah awk ka theih ti lo ka lung dong tu hngakchia hna ka zoh ah hin ka lung dong tuk cang ka ning zak kho ti lo tiah kum 60 a pa nih cun a chim hi asi.
Kan kawlram ah tu lio zawt nak ruangah rawl ei awk ngei lo in a nun nak a liam mi mah le mah nun nak tiang a la mi zawng an tlawm ti lo. Kan hnu lei ah khan a fa le ei din ti rawl a zat in a pek khawh lo ruangah kum 45 hringtu pa bik cu lung dong tuk in ek inn ah hri in a awk I a nun nak a liam hi asi.
Kan hnu zarh ah khan hringtu pa pakhat nih a fa le hngakchia pahnih he ei awk ti rawl ngei lo caah lung dong tuk in a fa le he ti pi ah zuan an I thim hi asi. Van that ah pa pakhat nih a hmuh hna I a lung a hnem khawh caah an pa fa rual in an nun a kham hna hi asi.
Tu lio kan kawlram ah ei din ngei lo an tam tuk hrinhran kan kawlram ah rian har he tu lio zawt nak a kar tuk caah an rian cu tuan thiam lo in company te te zawng khar an si dih tik ah mi thenkhat cu an harsa ngai ngai. A tu I an rak tar lang mi pakhat cu nufa hna le an pu kum 60 mi nih an ton mi thil asi.
Online chungah bawmh an hal hi asi. Kan thi ko ne lai ka ning zak kho ti lo bawmh tu nan um cun ka lawm tuk lai inn kan um ni 6 a si tang mama ti lawngin ni 6 chung kan din cang hi ti ning kan si ah cun covid 19 zawt nak in thih si lo in ei awk ngei lo in inn ah kan thi ko lai.
Kan nih cu nikhat tuan nikhat ei kan si tik ah kan ngei mi te zawng kan ei dih cang phaisa luh nak ding le um lo a ho sin lak nak ding zawng a um lo zei tin tuah awk ka theih ti lo ka bawmh hram ko uh tiah a tar lang hi asi. Peih tlai nak phone number zawng tar lang chih asi 09698396589 taungdakung ah inn hlang in khuasa mi an si.
Leave a Reply