Pengdang sinah kan nauta tuk. Hnaring – Ngaphaite lam Thanghawr Tiva Hlei caah Ting 4800 leng kan hmuh. Chin NLD Cozah nih hmundang ah an kan hman piak. (By Jacob R. Thang)
Thil tampi kan chim ti lai lo. Mara chungin Upa lungfim kan tampi ve ko tung. Kum zeizah dah Kan Chin Cozah nihhin an kan nehsawh. Kan vote lawng an kan duh kan thanchonak taktak an tuah duh lo. Ralkap chan cu va um ko seh kan chim ti lai lai lo. USDP vote kan pek i kanmah bawn. NLD seh kan ti i an zual deuh.
Chin NLD Cozah nih Thantlang Peng Budget 2% lawng an kan pek. Pengdang sinah kan nauta tuk. Hnaring – Ngaphaite lam Thanghawr Tiva Hlei caah Ting 4800 leng kan hmuh. Chin NLD Cozah nih hmundang ah an kan hman piak. Lam le sul loin um hna seh an kan ti bia asi. Țhangcho hna hlah seh an kan tinak asi. Khua leng Kan thih kan loh hmanh ah kan ruak phurhnak hmanh lamsul tha kan ngei lo.
Mara kan caah Kawlram Cozah Baho ser le ser lo a biapi lo. Aungsan Suu Kyi uar le uar lo san a tlai lo. Aungsan Suu Kyi cu kan uar zongah Chinram ah a rak kan uk lai lo. Kan caah Chinram cozah țuantu ding lawng an biapi. Pengtlang thleidannak a ngeilo mi Cozah lawng kan herh cang.
2020 thimnak ahcun kan lungfim cang seh. Pengtlang Thinlung a ngeilo mi kan Miphun Party CNLD kha kan peng piin vote cang hna usih. Kan i chir ti lai lo. Thimnak a nai cang caah rak i chim ruah hna usih.
2020 CNLD Vote Tei.
Crd. Jacob R. Thang
Leave a Reply