Thaton Peng Thein-zeik Palik Sakhan An Kah Caah Palik Bawi Telh In 4 An Thi + Video

Mon ramkulh, Thaton peng, Thein-zeik palik sakhan cu PDF nih luhhnawh in an kah caah sakhan uktu palik bawi telh in ralhrang 4 an thi, tiah PDF nih an langhter. Vaupi ni 17, zing suimilam 11:00 tluk ah Thaton peng PDF, HRS, KNLA ṭet-khuai (3) fonh nih an luhhnawh i an kah caah palik bawi (Sakhan uktu) telh in a tlawmbik 4 an thi, tiah theih a si.”Caustic soda sehzung ah an lubik pa motor cu neite ah.

Thaton Pah-kah-phah hriamtlai phu nih an laak khawh i, cu motor cun kan ka va kahnak, Sakhan uktu pa inncung ah 40MM a tla, a tlawmbik 4 cu an thi hrim lai” tiah PDF in ṭuanvo ngeitu pakhat nih a chim.crd- Lungmili Post, note- a video tu cu a tang cem ah kan chiah, Thawng dang rel chap- Pyin Oo Lwin-Naungcho Ramri Ni 10 Chung Kahdohnak Ah SAC Ralkap 70 Leng An Thi,Mandalay ramṭhen, Pyin Oo Lwin le Naungcho ramri ah Mandalay PDF le SAC ralkap kar ah April 5 in 14 tiang kahdohnak a chuak i, SAC ralkap 75 an thi, tiah theih a si.

Mandalay PDF cu 2023 thawk in Tapeyngeo operation min in Naungcho peng le Pyin Oo Lwin peng ramri hmun tam ngai ah April 5 in kahdohnak an tuah, tiah theih a si. April 5 in 14 tiang kahdohnak ah SAC ralkap nih raltuknak Helicopter, Jet Fighter le hriamngan tampi an hman, tiah Mandalay PDF nih an langhter. April 11 le 12 cu kahdohnak a chuak lo nain kaphnih in hriamngan i kahdohnak a chuak. April 13 in kahdohnak a zual i April 14 tiang kahdohnak a chuak, tiah an langhter.

April 10 kahdohnak lioah SAC ralkap nih, Mi-35 | YAK-130 | SU-30 in voi 15 tiang kahdohnak an tuah. Cu ni ṭhiamṭhiam ah Mandalay PDF nih SAC ralkap sakhan an va kah caah ralkap 35 hrawng an thi. Kanmah lei in ralkap 7 nih an nunnak an pek ve i, 15 nih hliam an tuar, tiah an langhter. Ni 10 chung kahdohnak ah hin SAC ralkap 900 hrawng an si i, Khah Lay Yah 147, 253, 258, Khah Mah Yah 508, Ah Mah Tah 206, Khah Mah Yah 419, 14 le Naungcho pyituhsit hna an si.

Cu kahdohnak ah SAC ralkap 75 nak tlawm lo an thi, tiah Mandalay PDF Nih cathanh an chuah. SAC ralkap nih vanlawng in voi 27 an kan kah i, April 10 lioah anmah le anmah i palh in an i kah ruang ah ralkap 30 hrawng an thi chap, tiah an langhter. SAC ralkap a thimi hna hi kan mithmuh in kan chimmi an si i hi nakin a thimi an tam deuh kho, tiah Mandalay PDF nih cun an langhter. Video:Palik ralhrang an kah hna lio mah link hi gmiliMedia/videos/742 hmeh law na ozh khawh lai.