Georgia Senate run-off-election (thimnak an tuah ṭhanmi) vote an rel dih cangmi ah Democrats lei nih an pahnih in an tei hna caah Senate zong Democrats nih an uk (control) cang lai ti bak a si. Senate ah 50+50 veve an si lai cang lai i Vice President elect Camala Harris nih meeting a hruai hna lai i vote ai tluk caan poh ah amah nih a duhnak lei poh a vote pi khawh hna lai. Cucaah, house he senate he, white house he Awomen party nih an uk lai ti nak a si. Atang ah tuchun i Congress nih US president an thimmi vote an relnak le fehter nak ding kong ka ṭial chap.
January 6 cu a van si cang i electroral college nih ahodah US president ding ah vote an pek timi US Congress nih zohfelnak an ngeih lai i an fehter (certified) cang lai. State kip thimnak results ning in cun Biden nih 306 a hmuh lai i Trump nih 232 a hmuh lai caah Biden hi 46th US President ding ah an fehter telai. Sinain, zeidah a um kho ti ah cun. Republican Senator minung 11 hrawng nih electoral vote fehter (certification) ding hi cohlan lo (object) an timh.
Electroral college results hi a cohlang lomi senator or representative an um ahcun house le senate ah bia alnak (debate) caan an ngei lai i cuhnu ah vote thlak a hau lai. Mi tam deuh (majority) nih House he Senate he (inn 2 ah) electoral vote hi kan cohlang lo ti i vote an thlak/pek ahcun election result fehter ding (certification) hi kham/overturn khawh a si lai. NAIN, House ah cun pitar nu NANCY PELOSI te party minung an tamdeuh nak inn a si caah electroral college vote result a cohlang lo mi (object) hi an tam deuh lai lo ti a fiang.
CUCAAH, Joe Biden hi US President ah fehter a si ko lai. House le Senate joint meeting hi Vice President Mike Pence nih hruai ding a si caah electroral results hi cohlanpiak lo ding in lawmakers cheu khat le president Trump nih Mike Pence hi hnek chih an timh nain Mike Pence nih a al hna. A duh lo. Vice President rian a si lo, Congress rian a si a ti i president Trump zong an lungtling set lo.
A zeipoh si ah Joe Biden le kaa daak nu Kamala Harris nih kum 4 chung cu US hi an uk hau ko lai. Cu chinchap ah Nancy Pelosi le Chuck Summer an van i phua hoi lai i kan US cu “AMEN” si lo in “A WOMEN” ram ah canter te dawh an si. Thlatu campiak ko hna usih. Kan Bible ah hruaitu cu Pathian thimmi an si ti a si i aho thim an si pek ah an bia ngaih le zulh a hau ko lai, zumtu cu pei kan si cu. A dong. Crd- Vanceuuk Khenglawt
Leave a Reply