Mipi nih kan duhmi Hruaitu President cu mah bak hi asi ko. Vote kan rak pekmi man a ngei tuk. Tuchun cu President Zungpi chung ah Covid kong he pehtlai in meeting an tuah President biang cu a mitthli a luang. “Kan ram mipi an nunnak liam ka siang lo Kan sikhawh chungin kan i zuam hna lai. Covid khamnak caah a thabik mi cu Innchung erh Stay Home asi ko.”
President biachim lio ah an meeting room cu Țhimtlak thawng hmanh theih khawh dingin Daițhup in an ngaih. “Zeidah nan ținpiah lai ti hi ka hngalh cia Budget a um lo, reserve facang a um lo. Phaisa a herh tiah nan ținpiah ding cu ka theih. Zeihmanh ținpiah hlah uh. Keimah President nih ka tuaktan ko lai.”
President cu bia chim lio ah a thadi i a bia a van ngol ta, cun meeting a rak kaimi vuanci pawl le Mirum pawl cu țheplo tein a va zoh hna i, “Kan nih cu MIPI HE” ti au-aw in Cozah kan chuak khawh mi asi hi, Vuanci pawl zong nih Nan philh lo awk asi. Atu ahcun Mipi cu inn ah an i erh.”
“Rian an țuan kholo i ei awk an har cang. Election naih i mi va lemsoi nak in Mipi caah zeitindah kan i pumpe ve lai. Ti le rawl kan pek hna awk asi. Kei cu President ka si bantuk in Covid hrik a thiang hlan lo. Ka thlahlawh dihlak ka hluu lai. Nannih zong țha tein i ruat ve u.”
President biachim a dongh bak ah Vuanci pawl le Mirum pawl cu khuaruahhar phun khin pakhat le pakhat cu an i zoh hna. Hluatdaw Speaker cu liklak adir i, “President Pa, Hlutdaw pahnih chungin Mipi thimmi MP dihlak zong nih kan thlahlawh dihlak cu Covid hartong pawl caah kan Hluu ve lai. Mipi thimmi kan si caah Mipi caah cun kan i pumpee ve lai.”
An meeting room cu lunglawmhnak in zapei bengh thawng nih a chilh. Vuanci Chuk pa zong a celh ti rua lo i hlut tiah a dir I, “President Pa, kanmah lei in Union Vuanci siseh Pine Vuanci dihlak zong nih Covid hrik Athing hlanlo kan thlahlawh cu Mipi caah Kan hluu ve lai.”
Cun meeting arak kai vemi Bank mirum le Business mirum pawl zong nih biakamnak Cu cat lo in an tuah thluahmah cio, “Kei 5 billions, kei 3 billions, Billion in Million in Ting thong za tiang. ” President pa cu aa lawmh tuk ah a biang ah Lawmhnak mitthli a luang. “Information Vuanci,” “Ka um ko President, tuzan Suimilam 8 ah TV in Rampi thawng ka thanh hna lai caah prokrem rak suai” “Aw ka rak tuaktan ko lai President” Bochan awktlak taktakmi President asi.
Mipi caah dawtnak he rian a țuan taktak mi asi. Thaizing in cun Mipi nih Covid har bawmhnak Kan hmuh cang lai. Vote kan rak pek cu man a ngei taktak. Upat țihzahnak he Na ngandam zungzal ko seh tiah Thla kan in campiak (INDIA PRESIDENT). TRUE STORY
Note: Kawlram President hmanthlak hi tarchih sawhmi a si.
Credit: Jacob R. Thawng
Leave a Reply