Khah rak ngai ve hrimhrim uh a tha in an thiam kho taktak, australia um The Encounter group kan unau hna nih ram hla fung 4 A Phu Ko, Ruah Riangmang Ah Hin, Iang A Ngei Khun Lairam, Cung Pathian Hruai Kan Ram, timi hla an sak I an thiam kho taktak. The Encounter group kan unau hna nih ram hla fung 4 an sak nak cu a tangah a video in kan in chiah piak hna.
Thawng dang: US ralkap a donghnak vanlawng cu cacawn ni 1 ni zanlei anmah lei suimilam in 3:29 pm ah Kabul in an chuak i, 9/11 hnu in Afghanistan ah US ralkap cu kum 20 hnuah an chuahtak dih cang. Afghanistan ah kum 20 deng an um chungah US ralkap 2,500 nih an nunnak a liam. August 26 ah ISIS-K ralhrangbu pakhat nih Kabul ah suicide bomb an puah ruangah US ralkap 13 le minung 150 leng nunnak a liam.
August 15 ah Taliban pawl Kabul an lak hnuah US cozah nih a ralkap le a minung hna thial dingin fak piin a zuam i atu cu deadline hlan ah a lim cang.August 31 tiang US minung 6,000 le Afghanistan minung 122,000 an lak khawh hna. US president Joe Biden nih ‘Afghanistan i kum 20 chung kan raldohnak cu a dong cang.
Kan airforce chief le kan ralbawi hna he kan i timhtuah ning bantukin kan vanlawng zong dinhter an si cang mah hi kan ralkap himnak le Afghan mi hna him tein an chuah khawhnak dingah lam tha bik a si’ tiah a chim. Kum 20 an um hnu US ralkap an chuah ni hmanung bik cu Afghanistan caah lawmhnak ni a si hrim lo, mi vialte nih philh an duh’ tiah Afghan president hlun Hamid Karzai ruahnak petu Torek Farhadi nih a chim.
Taliban chimnak nawlngeitu Suhail Shaheen zong nih ‘kan ram nih zalonnak tling kan hmu cang.Kan ram mi vialte sinah lawmnak um selaw, pathian (Allah) thangthat um ko seh’ tiah a au. US nih Afghanistan ah a ummi an minung le an riantuantu hna lak khawhnak caan a dih cang nain Taliban ral tih ruangah Afghanistan chuahtak a duh mi hna cu kan bawmh rih lai tiah White House le Petagon nih an chim.
US Navy General William Hank nih an ram a chuahtak duh mi hna vialte an chuah khawhnak dingin nawl kan ngei rih a ti pin ah White House chimhnak nawlngeitu Jen Psaki zong nih chuahtak an duh ko a chuak kho rih lo mi hna cu kan chanh rih lai tiah a chim.crd-the chin post.
Leave a Reply