The Hakha Post buainak kong ah CM Page nih nizan ahkhan The Hakha Post riantuantu upa pawl biaruahnak a ngeih hna. An chimhmi vialte a ngaimi nan tam deuh lai ka ruah. Atu zong The Hakha Post in a chuakmi Pu Lallawmpuia cu CM Page nih biaruahnak a tuah cuahmah lio a si i a tangah an live video kan van tarpiak chin hna.
Video zohnak: cmpage
https://www.facebook.com/chinmediapage/videos/1699371920214225
A cung video nan zoh hnuah Zasang Cinzah nih a tialmi hi kap hnih in nan zoh thiamnak lai rel chih ding kan van tarpiak chin hna.
Nizan tihni zing ah khan Hakha Post nih an CEO rian in aa dinnak kong/statement an chuahmi ka hmuh i ka rel. A tlawmpal ah amah CEO, Salai Papui nih News Conference a tuahmi ka hmuh tthan i, ttha tein ka zoh dih.
Nizan zanlei ahkhan CMPages nih Hakha Post ah a tang rihmi lutlai pawl Interview an von tuah ve tthan hna i, tlamtling tein an chimmi ka ngai dih ve. Mizapi lei in comments an pekmi tete zong ka bih pah.
Hibantuk buainak, itthennak, ihmuh thiam lonak hi kaphnih in an dik kho lo. Kapkhat lawng zong in an dik hlu kho hlei lai lo. Kap hnih in chambaunak a um i, a chambau deuhmi le chambau lo deuhmi belte cu um phung a si. Ahodah a chambau deuh timi belte cu kap hnih bia ngaih hnu ah hmuhning cio ahkhan a um ko lai.
Amah belte ka lung a ttha lo ngaimi cu a zohtu mizapi lei hi kan chambau chin chin rua ka ti. Kap khat lei an chimmi based lawng in biakhiahnak kan tuah. Kan zumh colh i a phun phun comments tthalo kan ttialmi hi kan chambaunak a si tiah ka hmuh.
Credit: Zasang Cinzah
Leave a Reply