Thil Sining Theih Huaha Loin Ramleng Le Khualeng In Au Sawhsawh Hi Sum Deuh Hna U Sih

Thil Sining Theih Huaha Loin Ramleng Le Khualeng In Au Sawhsawh Hi Sum Deuh Hna U Sih: By Fr. David Khin Hmung

Ramdang le khuadang fale hna, miphun nan dawt khun cu kan theihthiam tuk hna. Ramdang phan i ramdang thatnak hmuh tikah hnulei khua le ram vun cuan i chunmang tampi manh cu a tha, manh cio a si i manh bangin a tuah a tuanchuak mi zong an tampi, tampi nan um ve lai i a tha ngai mi a si.

Nain, nain Kawlram hi nan umnak, US bantuk ramthumnak cu chim lo, Malay le India dirhmun kan phan lo cu rak kan philhpiak hlah u. Uknak i 75% cu ralkap kut ah a um rih ti zong kan philhpiak hlah u.

Kan naunu Sui Hlei Tial thihnak le vuinak kong ah lung a fak cio, nain kan Laimi te a si mi Khua Bawi nih thil sining a chim tikah a hmaan ve. Miruak lutpi kha biapi si loin Motor mawng pawl an lut an duh lo a si kha.

Nanmah tein chungkhar he pali panga in khuahel lam in lutpi u, an ti hna i ahohmanh an duh lo caah chungkhar nih lamkam vui ding an hna a tla, (zeiti awk tha lo a si lai cu) an ti kha. Hi committee hi phung ningin tuah mi a si. Covit-19 can a si.

Cucaah i sum u. Thantlang hi inndong 1500 hrawng khuasak a si. Mifim le paraltha tampi an i tel. A herh ah annih nih cawl te ko hna seh. Thil sining theih huaha loin ramleng le khualeng in au sawhsawh hi sum deuh hna usih.

Zeidah an ka ti khawh lai ti lungput hna a langhleh, nangmah na luat nain khuachung mi an fak ahcun a tha lai lo. Cucu miphun dawt a si lo.

Credit: David Khin Hmung